Sámi ja min Deanu sáŋgáris lea 90 jagi beaivi 21.12.2024. 

Go dákkár bojás lea jorba, ja nu stuorra šaddanbeaivi dán jagi, de háliida Deanu Kulturskuvla gudnejahttit su. 

 Ingá Pier Ivvár - Ánde lea iežas ollu ja guhkes čuoigan mátkkiin ráhkadan vihtta klassihkkáriid Sápmái. Dát vihtta lávlaga leat olu jagiid gullon NRK Sámerádios. Na gii ii leat gullan «Na Stállu na Stállu ii galgga máná baldit»? 

Almmái ain čuoigá, lea gilvočuoigi ja ain vuoitá gilvvuid. Son vuittii duvle dálvit Birkebeiner gilvvu iežas luohkás! 

Dan dihtii bovde Kulturskuvla din gudnejahttit Ándde. 

Somá lea ahte min báikkálaš lávlunkoarra UNTAK, lea hástalusa dohppen guvttiin gieđain. Sii leat hárjehallan dán vihtta hui somás lávlaga. Deanu Sámeskuvla oahppit leat maid oahppan lávlagiid, ja sis muhtimat servet koarrii.  

 Untaka dirigeantta : Andreas Gundersen lea arrangeren lávlagiid, ja veahkalágaid Dag Brockain leaba hárjehan koara. Dag Broch lea maid hárjehan Deanu Sámeskuvlla mánáidskuvlla ohppiid lávlut.  

Ándde lágaš ustit ja ovddeš oahpaheaddji bargoustit Buolbmát skuvllas Bjørnar Halvari, váldá fárrui trekkspilla ja oasálastá ovttain dahje guvttin dološ klassihkkárin.  

Ántte lágaš fuolki Máret Laila Anti lea lohpidan guoimmuheaddjin, ja áigu láidestit gehččiid ávvukonseartta čađa. 

Mii sávvat Ántte ollu fulkkiide ja skihppáriidda, ja muđuid kultuvrra berusteddjiide buresboahttima Deanu Birasvistái 31.05 dii 1130 Kinosales. 

Dáidá vel káffe manjel konseartta.