Giella Giella Giella Visning: A A A A A
toppbilde

Deanu fuolahusavádat

 

Deanu fuolahusavádaga doaibmačilgehus (ruovttubuohccedikšu) Deanu gielddas

Čujuhus: Deanu fuolahusavádat (ruovttubuoh), Ringveien , Deanušaldi
Avádatjođiheaddji lea Aud Varsi, telefuvdna 45 51 77 31 / e-poasta  aud.varsi@tana.kommune.no
Ass.Avádatjođiheaddji lea Liv Berit Johnsen, telefuvdna 45 51 77 32 / e-poasta liv.berit.johnsen@tana.kommune.no
Ruovttubuohccedivššu váktatelefuvdna 45 51 77 33
 
Ruovttubuohccedivššu mihttomearri lea ahte eanemusat lági mielde galget oažžut dohkálaš fuolahusa ruovttusteaset.

Deanu fuolahusavádaga (ruovttuvuođđuduvvon fuolahusas) kanturčujuhs lea; Grenveien  Deanušaldi, Tlf. 45 51 77 30.

 

 

Geat ožžot bálvalusa?                                                                                                                                                                     

Dat guhte ollašuhttá eavttuid Buohcci- ja geavaheaddjivuoigatvuođalága §§ 2-1 ja 2-1 a ektui. Bálvalusat juhkkojit individuálalaš ja dearvvasvuođafágalaš árvvoštallaiin IPLOS kártema bokte, mas doaibmadássi, sosiála dilálašvuođat, ássandilálašvuođat ja diagnosa leat vuođđun.

Bálvalusfálaldat ráhkaduvvo ovttas geavaheaddjin. Addo čálalaš mearrádus mas lea moaitinvejolašvuohta. Bálvalusdárbu árvvoštallo čađa gaskka ovttas geavaheaddjin. 

Bálvalusa sisdoallu
·         Bearráigeahčču, rávvagat ja bagadallan
·         Oahpaheapmi ja gálggaid dikšun
·         Heivehit veahkkeneavvuid
·         Iđit- ja eahketdikšu, gárvodeapmi ja nuoladeapmi
·         Dálkasiid hálddašeapmi
·         Háviid divššodit ja váldit iskosiid
·         Stomiid ja kateteriid dikšun
·         Veahkki njuvdit goikeborramuša, ja maiddái borahanveahkki
·         Buktit gaskabeivviid
·         Veahkki daidda geat buhcet garrasit ja leat lahka jámi
 
Maid sáhttá geavaheaddji vuordit ruovttubuohccedivššus?
·         Juohke geavaheaddji ja oapmahaš galgá dovdat ahte áimmahuššo ja atno árvvus
·         Ovttas mearridit bálvalusfálaldaga hámi
·         Bargiin lea jávohisvuođageatnegasvuohta
·         Bálvalus galgá boahtit rivttes áigái
·         Jus bargit maŋŋonit badjel tiimmu, de galget addit dieđu telefovnna bokte
·         Jus bálvalus rievdá, dahje jus áigi rievdá buozalmasvuođa dahje luomu geažil, de galgá addot njálmmálaš ja čálalaš diehtu
·         Nu johtilit go vejolaš, maŋŋá go leat váldán oktavuođa, de galgá duinna váldot oktavuohta ja sohppot galledeapmi
 
Maid vuordá ruovttubuohccedikšu dus geavaheaddjin?
·         Attát dieđu jus it leat ruovttus. Veahkki addo dušše dalle go leat ruovttus.
·         Divttát heivehit veahkkeneavvuid, nu ahte sáhttet geavahuvvot ruovttus
·         Fuolahat ahte bargit besset du vissui
·         Dohkkehat ahte bargiin ii leat lohpi váldit vuostá skeaŋkkaid dahje ruđaid
·         Dohkkehat ahte bargiin lea jávohisvuođageatnegasvuohta
·         Anát veahkkeneavvuid, maid leat ožžon luoikkasin ruovttubuohccedivššus, várrugasat ja fuolahat ahte dat leat buhtistuvvon ga láigidat daid ruovttoluotta
·         Galggat ieš čađahit funkšuvnnaid maid nákcet
·         Anát árvvus bargiid
 
Mo fidnet bálvalusa?
Ohcan dahkko čálalaččat dahje njálmmálaččat, ja sáhtát oažžut veahki čállit ohcamuša. Du luhtte fitnet galledeamen, oaidnin dihtii veahkkedárbbu. Erenomáš dilálašvuođain sáhttá ruovttubuohccedikšu juolluduvvot seammá dalánaga.