Giella Giella Giella Visning: A A A A A
toppbilde

Deanu ruovttubálvalus

Deanu ruovttubálvalusa doaibmačilgehus (ruovttubuohccedikšu) Deanu gielddas

Čujuhus: Tana omsorgssenter, Helsestien 35,  Tanabru, 9845 Tana.

Doaibmajođiheaddji lea Kati Kannisto, tel. 45517731 e-poasta: kati.kannisto@tana.kommune.no
Veahkkejođiheaddji (ruovttubálvalus) Liv Berit Johnsen tel. 45517732 e-poasta liv.berit.johnsen@tana.kommune.no

Veahkkejođiheaddji (fuolahusviesut) Hild Ryeng (1.5.21 rájes) tel. 45517742 / e-poasta hild.ryeng@tana.kommune.no

Ruovttubálvalusa fáktatelefovdna  45517733

Ruovttubuohccedivššár, tel. 45517733

Deanu fuolahusguovddáš

  • Ossodat A tel. 45517745
  • Ossodat B tel. 45517743

 

Deanu ruovttubálvalusa áigumuš lea ahte eanemus lági mielde galget olbmot oažžut dohkálaš fuolahusa iežaset ruovttuin.

Geat ožžot bálvalusa

Son gii deavdá eavttuid mat leat lágas Lov om Pasient- og brukerrettighetsloven §§ 2-1 og 2-1 a.

Bálvalus fállojuvvo individuála ja dearvvašvuođafágalaš árvvoštallama maŋŋá mii dahkkojuvvo IPLOS-kárten bokte gos doaibmadássi, sosiála dilit ja orrundilit váldojuvvojit vuhtii.

Jus lea vejolaš de fállojuvvo bálvalus ovttasráđiin geavaheddjiin. Das boahtá čálalaš cealkin mas lea váidinvejolašvuohta.

Jus bálvalusa guhkkodat lea vuollai 14 beaivvi de ii gáibiduvvo čálalaš mearrádus.

Bálvalusdárbu árvvoštallo dađi mielde geavaheaddji ráđđádallamiin.

Bálvalusa sisdoallu

·         Bearráigeahčču, rávven ja oaivadeapmi

·         Oahpahus ja doaimmaid bajásdoallan

·         Veahkkeneavvuidheiveheapmi

·         Iđit- ja eahketdoaimmat, nuoladeapmi ja gárvodeapmi

·         Dálkasiid hálddašeapmi

·         Háviiddikšun ja iskosiidváldin

·         Stomi ja katehtera dikšun

·         Veahkki niesteráhkadeapmái, ja vejolaččat boradan veahkkin

·         Mállásiidbuktin

·         Veahkki duođalaš buhcciide ja jápmiide

 

Maid sáhttá geavaheaddji vuordit ruovttudivššus?

·         Ovttaskas geavaheaddji ja oapmahaš galgá vásihit ahte lea áimmahuššon ja gudnejahttojuvvon

·         Oassálastojuvvon iežas bálvalusfálaldahkii

·         Bargiin lea jávohisvuođageasku

·         Bálvalusa galgá álggahuvvo sohppojuvvon áigái

·         Jus bargi maŋŋona eanet 1 diimmu de galgá dieđihuvvot telefovnna bokte geavaheaddáji

·         Galgá addojuvvo njálmmálaš ja čálalaš diehttu bálvalus rievdademiin, rievdaduvvon áigi buohccivuođa geažil dahje luopmoáigodagain

·         Galgá vástiduvvon jođánamos lági mielde du bivdaga maŋŋá gos sohppojuvvo ruovttugalledeapmi

 

Maid vuordá ruovttudikšu dus gii leat geavaheaddji?

·         Don dieđihat jus ii leat ruovttus. Veahkki addojuvvo dušše sidjiide gea leat ruovttus

·         Don divttát veahkkeneavvuid heivehuvvot mat galget geavahuvvot ruovttus

·         Don fuolahat ahte du geahčai beassá

·         Don dohkkehat ahte bargit eai sáhte vuostáiváldit dus skeaŋkkaid dahje ruđaid

·         Don dohkkehat ahte bargiin lea jávohisvuođageasku

·         Don geavahat ruovttubuohccedivššu veahkkeneavvuid ja eará luoikkahuvvon biergasiid várrogasvuođain ja máhcahat daid buhtistuvvon ortnegis

·         Don galggat ieš bargat doaimmaid maid don hálddašat

·         Don vuostáiválddát bargiid gutnálaččat

 

Mo oaččut bálvalusa

Ohcan dahkkojuvvo čálalaččat dahje njálmmálaččat, don sáhtát bivdit veahkki ohcamuš čállimii. Das dahkkojuvvo árvvoštallanguossástallan gos čielggaduvvo du veahkkedárbu. Erenoamáš dáhpáhusain sáhttá ruovttubuohccedikšu mieđihuvvot beaivvát ala.