Ruovttu jienasteapmi

Go váldá oktavuođa gielddain, de ferte almmuhit manne háliida geavahit dán vejolašvuođa. Dattetge ii gáibiduvvo duođaštus. Danne lea doarvái muitalit gildii manne don háliidat jienastit ruovttus.

Mo sáhtán jienastit ruovttus?

Don ozat gielddas beassat jienastit ruovttus. Dattetge ii leat gáibádus ahte ohcamuš galgá leat čálalaš. Lea doarvái váldit oktavuođa njálmmálaččat iežat gildii ja dieđihit ahte háliidat jienastit ruovttus.

Goas ohcanáigemearri lea?

Áigemearri jienastit ruovttus lea biddjon čakčamánu 5.b. 2023.

Áviissas " Finnmarken " ilmmai boasttu ohcanáigemearri, mii muittuhit ahte áigemearri lea čakčamánu 5. b. nu mo ovdal lea almmuhuvvon..

Mo jienastat ruovttus?

Go don galggat jienastit, de válgadoaimmaheaddji čilge dutnje mo don galggat čađahit iežat jiena. Válgamielbargi sáhttá maid vástidit jearaldagaide mat dus ležžet, dahje gávdnat vástádusaid du gažaldagaide.

Jienastit ruovttus lea measta seamma go jienastit válgalanjas:

• Válgabargit leat váldán mielde dárbbašlaš biergasiid, earret eará jienastanlihppokonvoluhta buot bellodagaiguin ja listtaiguin mat servet gielddas ja fylkkagielddas.
• Don válljet jienastanlihpu dan bellodahkii dahje dan listui man háliidat ja dagat vejolaš rievdadusaid jienastanlihpus.
• Válgabargi dárkkista legitimašuvnna ja steampilastá jienastanlihpu.
• Don bálkestat jienastanlihpu urnii, ja don leat jienastan. Válga lea čiegus ja don beasat doalahit jienastanlihpu maid it geavat.

Dárbu veahkkái ja doarjagii

Válgabargit sáhttet muitalit dutnje jienastanrutiinnaid birra ja veahkehit du jus dárbbašat veahki.

Jus don dárbbašat veahki čađahit jienasteami, de sáhttá válgabargi dahje olmmoš gean ieš válljet, veahkehit du dáinna.
Sihke válgabargi ja iešdáhtolaš veahkkebargiid jávohisvuođageasku hehtte sin muitaleamis mo ja gean don galggat jienastit.