Legitimašuvdna ja jienastuskoarta
Don fertet váldit mielddát legitimašuvnna go áiggut jienastit. Ii leat doarvái váldit mielde válgakoartta, dahje almmuhit nama ja riegádanbeaivvi.
Go jienastat de ferte leat vejolaš dárkkistit ahte don leat dat gean don almmuhat iežat leat. Don fertet danne čájehit legitimašuvnna jus don leat amas jienasteaddji gean válgabargi ii dovdda. Eará olbmot válgalanjas eai sáhte duođaštit du identitehta.
Mii lea dohkálaš legitimašuvdna?
Duođaštussan sáhttá leat pássa, nationála ID-koarta, vuodjinkoarta (maiddái digitála) ja báŋkokoarta mas lea govva. Lea vejolaš geavahit earalágan duođaštusa, muhto unnimus gáibádus lea ahte das lea namma, riegádanbeaivi ja govva. Lea válgadoaimmahasa duohken árvvoštallat sáhttá go du duođaštus dohkkehuvvot.
Válgabargi galgá árvvoštit duođaštusa mii biddjojuvvo ovdan. Nu guhká go du legitimašuvdna duođašta ahte don leat dat gean don almmostahttát iežat leat, de lea dat doarvái. Dát guoská vaikko du legitimašuvdna soaitá leat boarásmuvvan.
Spiehkastat go jienastat institušuvnnas
Jus don orut dearvvašvuođa- ja fuolahusásahusas dahje giddagasas, ja dus ii leat legitimašuvdna, de sáhttá bargi duođaštit gii don leat. Dákkár oktavuođain ferte bargi duođaštit gii son lea. Eará jienasteaddjit eai sáhte dáhkidit du identitehta.
Related information
Sist oppdatert