Jienastuslohku
Leatgo don jienastuslogus?
Jienastuslohku lea lista mas oaidná geas gielddas lea jienastanvuoigatvuohta. Jus orut Norggas, de don čálihuvvot automáhtalaččat dan gieldda jienastuslohkui mas don leat registarastojuvvon álbmotregistarii ássin geassemánu 30. b. 2023.
Don sáhtát jienastit ovddalgihtii buot gielddain, muhto jus áiggut jienastit válgabeaivvi, de fertet dahkat dan dan gieldda válgalanjas mas don leat čálihuvvon jienastuslohkui.
Áiggut go fárret?
Jus don fárret eará gildii, de fertet dieđihit fárrema álbmotregistarii ovdal geassemánu 30. beaivvi, vai beasat čálihit iežat ođđa gieldda jienastuslohkui. Jus don fárrejit eará gildii dán beaivvi maŋŋá, de don leat čálihuvvon dan gieldda jienastuslohkui mas don fárrejit eret.
Orutgo olgoriikkas?
Jus orut olgoriikkas, muhto leat leamaš álbmotregistaris Norgga ássin maŋimuš 10 jagi, de don automáhtalaččat čálihat dan gieldda jienastuslohkui mas don ledje registarastojuvvon ássin dalle go fárrejit Norggas eret.
Jus it leat leamaš čálihuvvon Norgga ássin álbmotregistarii maŋimuš 10 jagi, de don fertet ohcat iežat čálihuvvot jienastuslohkui.
Jienasteaddjit geain lea čavga čiegusčujuhus
Jienasteaddjit geain lea čavga čiegusčujuhus eai leat čálihuvvan gieldda dábálaš jienastuslohkui, muhto gielddat ožžot sierra lassilogahallama mas leat olbmot geain lea čavga čiegusčujuhus. Jienasteaddjit geaidda dat guoská ožžot sierra reivve Kriposis das mo sii galget jienastit.
Háliidatgo dárkkistit leatgo don čálihuvvon jienastuslohkui?
Váldde oktavuođa iežat gielddain. Buot gielddat Norggas leat geatnegahtton almmuhit jienastuslogu almmolaččat nu ahte sáhttá dárkkistit iežas dieđuid ja váidit jus leat boastut.
Related information
Sist oppdatert