[Norsk] [Davvisámegiella]
Skip to content

Politihkkáriidda

Juohke gielddastivraáirras sáhttá ovddidit interpellašuvnna mii addo sátnejođiheaddjái. Diekkár interpellašuvnna ferte dieđihit sátnejođiheaddjái buori áiggis ovdal čoahkkima (unnimusat 6 beaivvi ovdal) ja dat galgá leat čálalaš.

Interpellašuvdna sáddejuvvo e-poasttain postmottak@tana.kommune.no Sátni interpellašuvdna ferte geavahuvvot teavsttas. Sátnejođiheaddji referere dasa dakkaviđe go čoahkkin lea álgán. Dát meannuduvvo ovdal go áššelistu biddjojuvvo.

Interpellašuvnnat meannuduvvojit dan vuoru mielde go leat boahtán

Gielddastivrra gieđahallamis oažžu interpellánta gitta 5 minuhta rádjái čilget interpellašuvnna. Dasa lassin addo vejolašvuohta gitta 1/2 diimmu digaštallamii interpellašuvnnaid oktavuođas, jus gielddastivra ii mearrideažžá eará juohke áššis. Dábálaččat ii galgga oktage hállat eanet go oktii, jus ii leat sáhka sátnejođiheaddjis, gielddahoavddas, interpellánttas, dan orgána jođiheaddjis geasa ášši guoská, dahje gielddastivrra joavkku dahje bellodaga sátnejođiheaddjis.

Sátnejođiheaddji dahje son geasa sátnejođiheaddji lea addán fápmudusa, sáhttá geavahit gitta 5 minuhta rádjai vástidit. Sárdnunáigi lea 3 minuhta.

Eavttohusat mat ovddiduvvojit dákkár interpellašuvnna oktavuođas, eai sáhte mearriduvvot čoahkkimis jus čoahkkinjođiheaddji dahje 1/3 oassi áirasiin vuosttildit dan. Jos ášši váldojuvvo meannudeapmái, de galgá dat meannuduvvot daid áššiid maŋŋá mat álgoálggus ledje áššelisttas.

Endre litt på teksten

Folkevalgt.no External link. lea neahttasadji dutnje gii leat álbmotválljejuvvon. Álbmotválljejuvvon áirrasin dus lea ovddasvástádus ja vejolašvuohta váikkuhit dasa mo Deanu gielda galgá leat boahtteáiggis. Ássiid ovddasteaddjin don leat mielde mearrideamen mo Deanu gielda galgá leat boahtteáiggis, ja makkár viidodat ja kvalitehta bálvalusain galget leat gielddas.

 

Neahttasajis Folkevalgt.no sáhtát viežžat máhtu ja rávvagiid maid hárjánan álbmotválljen áirasat leat ráhkadan du bargamušaid, geatnegasvuođaid ja vuoigatvuođaid birra, ja dan birra mo sáhtát váikkuhit mearrádusaid mat gusket Deanu gieldda ovdáneapmái. 

Sist oppdatert

Gávnnat go dan maid ledjet ohcamin?