Sáibma- ja vuodjenlohpelávdegoddi
Sáibma- ja vuodjenlohpelávdegottis leat 3 lahtu.
Valgaáigodat 2023 - 2027
- Gávnna čoahkkimiid kaleandaris oktan dokumeanttaiguin
- Vállje lahtuid boalu čájehan dihtii buot lahtuid geainna leat oktavuohtadieđut
Spiehkastatlávdegotti njuolggadusat
Njuolggadusat leat ráhkaduvvon Nasjonal forskrift for bruk av motorkjøretøy i utmark og på islagte vassdrag nammasaš lága vuođul.
Deanu gielda háliida váldit vára luonddubirrasis nu bures go vejolaš, ja danne leat earenoamáš restriktiiva mohtorjohtalussii mehciin, vuosttažettiin bievlan, go doppe sáhttet stuorámus vahágat duovdagiin dáhpáhuvvat. Gieldan áigu dálvet johtit jierpmálaš skohterluottaid mielde mii sihkkarastá meahcástalliide vejolašvuođa fitnat stuora osiin gieldda meahcceguovlluin. Luoddafierpmádat biddjo nu ahte olaha ollu guollejávrriid nu ahte ii dárbbaš ohcat sierralobi dán ulbmilii.
Geassejohtolaga oktavuođas áigu gielda bidjat hui čavga njuolggadusaid ee. eastadit erošuvnna ja goikama. Dušše árbevirolaš geasseluottaid sáhttá geavahit dákkár ulbmiliidda, ja dušše spiehkastahkan addojuvvojit sierralobi dán njuolggadusas.
Kommunale retningslinjer for dispensasjonsutvalget pdf, 124 kB.
Sáimmastallan lávdegotti njuolggadusat
Gielddalaš njuolggadusat mat gusket lohpeaddimiidda ja sierralohpái Láhkaásahus sáivaguollebivddu jna. birra Finnmárkkus lea mearriduvvon Deanu gielddastivrras miessemánu 3. beaivvi 2007.
Sáhtát ohcat sáimmastallanlobi jieŋahis áigodaga siskkobealde, ja dispensašuvnna miehtá jagi. Go ohcá sierralobi, de ferte ohcci ieš duođaštit manne son oaivvilda ahte son berre oažžut sierralobi.
Ii addojuvvo sáimmastallanlohpi dahje sierralohpi earáide go daidda geat leat fásta ássit Deanu gielddas. Ollu ohcamušaid oktavuođas vuoruhuvvojit ohccit geat sáhttet duođaštit ahte sis lea gullevašvuohta guvlui. Dát mearrádus ii gusto geahččalanbivdui ja guollegeahpedanbivdui
Lohpi ja sierralohpi addojuvvo galle sáimma ja galle beaivemeari gitta dassážii go áigodat nohká, dahje ráddjejuvvon áigodahkii. Juoŋastan áigodat nohká miessemánu 20. b. juohke jagi.
Gielddastivra vállje sáibmabivdolávdegotti mii galgá addit sáimmastallanbáikkiid. Lávdegoddi ii galgga leat seamma go dispensašuvdnalávdegoddi.
Related information
Sist oppdatert