Hámmanlávdegoddi

Válgaáigodat 2019 - 2023

Lahtut, čoahkkinkaleandar, gohččumat ja beavdegirjjit gávdnojit dákko External link, opens in new window.

• Gávnna čoahkkimiid kaleandaris oktan dokumeanttaiguin
• Vállje lahtuid boalu čájehan dihtii buot lahtuid geainna leat oktavuohtadieđut
  

Hámmanlávdegotti njuolggadusat pdf, 173 kB, opens in new window.

Ovddasvástádus ja váldi

Bargosuorggis galgá lávdegoddi bargat ulbmiliin, strategiijain ja doaibmabijuiguin mat sihkkarastet ahte lágat, láhkaásahusat ja gielddalaš mearrádusat čuvvojuvvojit.

Lávdegoddi galgá nu bures go vejolaš oažžut dieđuid dan birra mo gielda čoavdá iežas bargamušaid lávdegotti ovddasvástádussurggiin.

Sátnejođiheaddji sáhttá mearridit ahte áššit mat gullet lávdegotti bargosuorgái maiddái sáhttet meannuduvvot gielddastivrras. Áššit mat gusket máŋgga lávdegoddái, meannuduvvojit dábálaččat dušše ovtta lávdegottis. Sátnejođiheaddji mearrida guđemuš lávdegoddi galgá meannudit ášši.

Lávdegottis lea iežas ovddasvástádussuorggi siskkobealde fápmudus:

• Hálddašit ruđaid bušeahta rámmaid siskkobealde sierra ekonomiijanjuolggadusaid mielde maid gielddastivra lea mearridan.
• Vuoruhit stáhtalaš ja mearridit gielddalaš doarjjaortnegiid iežas ovddasvástádussuorggi siskkobealde.
• Bearráigeahččan- ja bearráigeahččanraporttaid meannudeapmi.
• Mearridit hálddašanáššiid sierralágaid vuođul dan muddui go dat eai leat fápmuduvvon gielddahovdii.
• Addit gulaskuddancealkámušaid dain áššiin main gielddahovdii ii leat váldi addojuvvon.
• Mearridit eará áššiid maid gielddastivra bidjá lávdegoddái

Lávdegoddi galgá váldoáššis cealkit juoidá čuovvovaš áššiin:

• Gielddaplána guhkesáiggeoassi (servodatoassi ja areálaoassi), gielddaoasseplánat ja ekonomiijaplána.
• Ovddidanplánat lávdegotti ovddasvástádussuorggis.
• Bušeahttapoasttaid rievdadeapmi maid ovdagoddi/gielddastivra galgá dohkkehit.
• Eará áššit lávdegotti ovddasvástádussuorggis maid gielddastivra galgá mearridit.