Gielddastivra

Lahtut, čoahkkinkaleandar, gohččumat ja beavdegirjjit External link, opens in new window.

• Gávnna čoahkkimiid kaleandaris oktan dokumeanttaiguin
• Vállje lahtuid boalu čájehan dihtii buot lahtuid geainna leat oktavuođadieđut
  

Gielddastivrra njuolggadusat pdf, 277 kB, opens in new window.

Ulbmil ja fápmudus

Gielddastivra dahká mearrádusa gieldda ovddas, jus eará ii čuovo lágas dahje fápmuduvvon mearrádusas. Gielddastivra sáhttá fápmudit válddi eará álbmotválljen orgánaide, sátnejođiheaddjái dahje gielddahovdii, láhkamearrádusa rámmaid siskkobealde.

Válga ja čoahkkádus

Gielddastivrra lahtut ja várrelahtut válljejuvvojit gielddaválggain juohke njealját jagi, válganjuolggadusaid mielde. Sátnejođiheaddji lea gielddastivrra čoahkkinjođiheaddjin.

Gielddahoavddas, dahje su sadjásaččas, lea sárdnun- ja evttohanvuoigatvuohta gielddastivrra čoahkkimiin.

Interpellašuvdna

Juohke gielddastivraáirras sáhttá ovddidit interpellašuvnna mii addo sátnejođiheaddjái. Diekkár interpellašuvnna ferte dieđihit sátnejođiheaddjái buori áiggis ovdal čoahkkima (unnimusat 6 beaivvi ovdal) ja dat galgá leat čálalaš.

Jearaldat sáddejuvvo deike: postmottak@tana.kommune.no. Sátni interpellašuvdna ferte geavahuvvot teavsttas. Sátnejođiheaddji gohčču dán čoahkkimii dakkaviđe go dat álgá. Dát meannuduvvo ovdal go áššelistu dohkkehuvvo.

Interpellašuvnnat meannuduvvojit dan vuoru mielde go bohtet..

Gielddastivrra gieđahallamis oažžu interpellánta gitta 5 minuhta rádjái čilget interpellašuvnna. Dasa lassin addo vejolašvuohta gitta 1/2 diimmu digaštallamii interpellašuvnnaid oktavuođas, jus gielddastivra ii mearrideažžá eará juohke áššis. Dábálaččat ii galgga oktage hállat eanet go oktii, jus ii leat sáhka sátnejođiheaddjis, gielddahoavddas, interpellánttas, dan orgána jođiheaddjis geasa ášši guoská, dahje gielddastivrra joavkku dahje bellodaga jođiheaddjis
Sátnejođiheaddji dahje son geasa sátnejođiheaddji lea addán fápmudusa, sáhttá geavahit gitta 5 minuhta rádjai vástidit. Sáhkavuorru lea 3 minuhta.

Eavttuhusat mat ovddiduvvojit dákkár interpellašuvnna oktavuođas, eai sáhte mearriduvvot čoahkkimis jus čoahkkinjođiheaddji dahje 1/3 oassi áirasiin vuosttaldit dan. Jus ášši váldojuvvo meannudeapmái, de galgá dat meannuduvvot daid áššiid vuođul mat álgoálggus ledje áššelisttas.