Borgárlaš vihaheapmi Deanu gielddas

Njeallje olbmo leat nammaduvvon vihaheaddjin ja sii sáhttet vihahit Deanu gielddas. 

• Sátnejođiheaddji Jon Erland Balto
• Várresátnejođiheaddji Anna Oliva Taksgård
• Álbmotnálljejuvvon Fred Roald Johnsen
• Álbmotnálljejuvvon Heidi Marlene Siri Dervo

Náittospárra vállje ieš gean háliida vihaheaddjin.

Geahččalanduođaštus Ovdal go sáhttibehtet náitalit, de fertebehtet
ohcat geahččalanduođaštusa. Dat mearkkaša ahte ferte dárkkistuvvot ahte soai geat náitaleaba, ollašuhttet náittoslága eavttuid. Geahččaleapmi lea dárkkisteapmi ahte náittosguimmežagat ollašuhttet náittoslága eavttuid. Álbmotregisttar (Vearroossodat) dat geahččala ja addá geahččalanduođaštusa.

Náittosguimmežagain lea alddiineaset ovddasvástádus ohcat geahččalanduođaštusa buori áiggis. Geassemánu 2018 rájes sáhtát Vearroossodagas ohcat náittosdili digitálalaččat. Lenke til søknad og mer informasjon om ekteskap hos Skatteetaten External link, opens in new window.

Gielda ferte leat ožžon geahččalan duođaštusa ovdal go náitosa sáhttá dohkkehit. Náittosguimmežagat galgaba muitit ahte duođaštus gusto dušše njeallje mánu. Náittoslága mielde gáibiduvvo ahte geahččalanduođaštus lea gustovaš dan beaivvi go náitaleahppi.
 

Diŋgot áiggi vihaheapmái 
Náitaleami áigái galgá diŋgot áiggi elektronisk skjema External link, opens in new window. dahje Deanu gildii e-poastta bokte postmottak@tana.kommune.no 

Geahččalanduođaštus ferte leat ovddiduvvon / mielddustuvvon ovdal go náitosa sáhttá čađahit.

Golut
Náitalit Deanu gielddas lea nuvttá. Ii dárbbaš orrut Deanus ovdalgo sáhttá náitalit Deanus. Olggosgolut mat bohtet dábálaš seremoniija lassin, gokčá náittosjoavku ieš.

Gielddas lea geatnegasvuohta lágidit gieldda vihaheami buohkaide gieldda ássiin. Lea doarvái ahte okta náitaleddjiin lea čálihuvvon álbmotregistarii Deanu gieldda ássin, de gusto geatnegasvuohta. Dasa lassin sáhttet olbmot geat ásset eará gielddas náitalit Deanus

Gielddalaš vihaheaddji sáhttá čađahit vihaheami olles riikkas. Beroškeahttá das gos náitojuvvo, de lea son guhte čađaha vihaheami, de doaimmaha son vihaheami dan gieldda ovddas gos son lea álbmotválljejuvvon, dahje gos son bargá. Náittosolbmot fertejit máksit daid lassegoluid mat dasa bohtet.

Se Lovdata og ekteskapsloven  External link, opens in new window.eanet dieđuid oažžun dihte

Searvan

Náittosguimmežagat searvválaččaiguin galget buorre áiggis boahtit sohppojuvvon vihaheapmái. Ovdalgo seremoniija álgá, de fertet čájehit originála geahččalanduođaštusa ja legitimašuvnna.

Vihtanat
Seremoniijas galget leat guokte vihtana. Dat sáhttet leat skihpárat dahje guokte eará ráves olbmo geaiguin párra lea ovttas.

Giella
Sáhttá ovdalgihtii šiehtadit ahte náitosis galgá leat eará giella go dárogiella. Dalle ferte párra ieš váldit mielde dohkálaš dulkka. Párra máksá ieš dulkkaid goluid

Seremoniija
Seremoniija bistá sullii dii. 10 minuhta. Seremoniija áigge logahuvvo borgárlaš náitosa formulára.
Dalle jerrojuvvo sudnos leaba go ovttaoaivilis náitalit. Loahpas vuolláičállit náittosguimmežagat, duođasteaddji ja vihaheaddji.

Suobmasat
Seremoniija oktavuođas lea lohpi coggat suorpmasiid. Dán birra dieđihuvvo ovdal go seremoniija álgá.

Dáiddalaš oassi
Seremoniijai sáhttet gullat omd. musihka dahje diktalohkan. Jus diekkár plánejuvvon lea, de ferte dan birra dieđihit ovddalgihtii.

Govvideapmi
Govven ja filbmen sáhttá dáhpáhuvvat seremoniija vuolde ja maŋŋá dan, dan mielde mo náittosbárra háliida.

Álbmotlogahallaneiseválddi náittosduođaštus lea maid náittosdieđáhus ja náittosregisttar. Oassi skoviin mii guoská náittoslihtu/náittosregistara dieđiheapmái, galgá náittosguoimmit deavdit. Náittosguoimmit, vihtanat ja náittosguoimmit galgaba maid vuolláičállit náittosdieđáhusa. Duođaštuvvon kopiija galgá máhcahuvvot álbmotlogahahkii maŋimustá golbma beaivvi.

Duođaštuvvon kopiija skovis addojuvvo náittospárrii ja lea gaskaboddosaš náittosduođaštus. Loahpalaš náitosduođaštusa almmuha álbmotregisttareiseváldi.

Gielddas lea ovddasvástádus doallat vihahangirjjilogahallamis vihahemiin mat leat lágiduvvon gielddas.