Gielddahoavda

Jørgen Holten Jørgensen lea virgáduvvon Deanu gieldda ođđa gielddahoavdan golggotmánu 1. b. 2024.

Jørgen lea Oslo eret, ja lea oahpu ožžon stáhtadiehtagin UIOs ja sus lea guhkes hárjáneapmi ovttasbargat Ruošša eiseválddiiguin. Son lea bargan Fridtjof Nansena instituhta Ruošša-dutkin, ráđđeaddin ja dulkan Ruošša ovddas Svalbárddas, seniorráđđeaddin Riikkaantikvára riikkaidgaskasaš ossodagas ja konsulan Generalkonsuláhtas Murmánskkas. Son lea čállán máŋga girjji ja artihkkala Ruošša, Svalbárdda ja Norgga-Ruošša gaskavuođaid birra.

Son lea leamaš Deanu gielddahoavdan golggotmánu 2024 rájes, ja bođii dán virgái gielddahoavdda virggis Bearalvágis, gos son barggai 2018 rájes

Son liiko vánddardit beatnagiin sihke geasset ja dálvet, vázzin, čuoigamin dahje fievrun. Ja go lea garra biegga, de lea buorre čohkkát siste stobus ja lohkat girjji.

Lea maid gullostan ahte son čuojaha veaháš piano.