Ovdanloaiddastedje Kveanafestiválas 2026

16 nuora vulge Deanu kulturskuvllas Čáhcesullui, bearjadaga geassemánu 12. beaivvi, searvat nuoraidčájálmassii “Nuorten ilta”.

Deanu kulturskuvla oassálasttii sihke musihkkáriiguin ja juoigiiguin Kvenafestivála nuoraidčájálmasas "Nuorten ilta" Čáhcesullos. Eahkeda prográmmas lei earret eará Drømmestipedet (Niehkostipeanda) bálkkašupmi, musihkkačájálmasat Čáhcesullokulturskuvllas, monologa man Kväänitatteri ovdanbuktá Ørjan Steinsvik, ja čájálmas Deanu kulturskuvllas.

Lei hui somás eahket mas ledje ollu buorit vásáhusat. Lei inspirerejeaddji leahkit mielde Niehkostipeandda juohkimis, ja geahččit besse maid gullat čeahpes studeanttaid Čáhcesullo kulturskuvllas čuojahit máŋga iešguđetlágan bossončuojanasaid.

Deanu kulturskuvla lea rámis go lea leamaš mielde prográmmas. Kulturskuvla ovdanbuvttii Tanadalens Spellemannslag álgima, mas leat mielde 14 musihkkara ja 6 dánsejeaddji. Oassálastit ledje oahppit sihke Deanu ja Čáhcesullo kulturskuvllas, jođiheigga dánsunoahpaheaddji Astrid Serine Hoel ja musihkkaoahpaheaddji Trygve Beddari.

Bargu lea oassi prošeavttas "Spealut ja dánsun", mainna kulturskuvla lea bargan dálvvi rájes. Dát prošeakta veahkeha nannet ja čalmmustahttit álbmotmusihka ja álbmotdánsuma min guovlluin. Nu lea leamaš fokus kvena ja nuortalaš musihkkii ja dánsii. Kulturskuvlla oahpaheddjit Geir Inge Skinningsrud ja Inkeri Laitinen leaba jeavddalaččat hárjehallan musihkkariiguin olles dálvvi/giđa.

Čájálmasa áigge geahččit vásihedje sihke kvena ja nuortalaš musihka ja dánsuma. Eahket loahpahuvvui oktasaš jenkain masa measta buot geahččit oassálaste. Dat dagahii hui buori atmosfeara ja stuorra ilu sihke oasseváldiin ja gehččiid gaskkas.

Mii sávvat ahte dát lea álgu masanuge mainna sáhttá joatkit. Kulturskuvlla ohppiide lea árvu čájehit mainna sii leat bargamin, deaivvadit gehččiiguin ja vásihit ilu go leat lávddi alde. Dákkár vásáhusat addet hálddašeami, searvevuođa ja inspirašuvnna viidáset ovdáneapmái.