Nuorta Várjjaga mánáidsuodjalus dárbbaša eanet galledanviesuid ja doarjjaolbmuid

Galledanviessu

Guosseviesu mearkkašupmi lea ahte váldá vuostá máná/nuora ovtta dahje máŋga vahkkoloahpa mánus. Lea maid vejolaš ovttastallat luopmoáiggis. Galledanviesut leat eaktodáhtolaš veahkkedoaibmabijut bearrašiidda main lea erenoamáš dárbu dasa. Muhtun mánát dárbbašit oahpásnuvvat earáide go iežaset bearrašii. Dát sáhttá leat danin vai ožžot eanet fuolaheami, viiddidit fierpmádagaset ja vai ožžot eanet buriid vásáhusaid. Galledanviessu ii galgga buhttet máná ruovttu váhnemiid luhtte.

Nuorta Várjjaga mánáidsuodjalus háliida oadjebas ja stabiila ollesolbmuid geain lea orrunbáiki ja váimmubáiki, mat sáhttet addit mánáide dábálaš vásáhusaid ovttas bearrašiin. Dat sáhttet leat áibbas dábálaš rutiinnat dego lihkkan-, dikšun- ja biebmorutiinnat ja somás doaimmat maid bearaš dahká ovttas. Ii leat makkárge formálalaš oahppogáibádus, ja don sáhtát áinnas leat okto dahje leat bearrašis mas leat iežas mánát.

Galledanviesu galgá mánáidsuodjalusbálvalus dohkkehit ovdalgo doaibmabijut álggahuvvojit. Ohcamat meannuduvvojit dađistaga. Bearaš mii háliida šaddat galledanviessun, váldá oktavuođa mánáidsuodjalusbálvalusa gulahallanolbmuin. Mánáid oktavuohtaolmmoš árvvoštallá, makkár mánát ja guosseviesut sáhttet heivet oktii.

Doarjjaolmmoš

Doarjjaolmmoš lea oadjebas ollesolmmoš gii aktivisere ja movttiidahttá mánáid iešguđetlágan doaimmaide mat iešguđet sivaid geažil leat dárbbašlaččat. Doarjjaolbmo bargun lea leat mielde dahkame mánáid ja nuoraid árgabeaivvi miellagiddevažžan ja vásáhusrikkisin.

Ollu mánáin ja nuorain leat iešguđetlágan dárbbut iešguđetlágan sivaid geažil. Sáhttet leat hástalusat čadnon bearašgaskavuođaide, ahte sis lea unnán fierpmádat dahje ahte sii sáhttet atnit ávkki eanet vásáhusain ja buriin muittuin árgabeaivvis. Sáhttá maid leat nu ahte váhnemat váillahit veahki iešguđetlágan sivaid geažil.

Barnevernstjenesten ønsker at støttekontakten kan være en forutsigbar og trygg voksenperson som representerer et fast holdepunkt for barnet, en som bidrar til å gi barnet nye positive erfaringer og noe å glede seg til og se frem til i hverdagen. Barn trenger voksne som de kan snakke med, og bli hørt og sett av.

Mii háliidit áŋgiris ja sosiála ollesolbmuid geain lea rabas miella, geat sáhttet leat buorit ovdagovat mánáide. Iešguđetlágan doaimmaid bokte ožžot mánát ja nuorat jierpmálaš asttuáiggi mas ožžot vejolašvuođa oahppat njuolggadusaid ja norpmaid ođđa dilálašvuođaid ja vásáhusaid bokte.

Ovdamearkkat doaimmaide maid sáhttá bargat ovttas mánáin leat:

• Vánddardit meahcis ja vuovddis
• Guolásteapmi / fanasmátki
• Fitnat kinos
• Čiekčat spáppa dahje eará valáštallama
• Fitnat kafeas
• Láibut dahje málestit
• Vuojadit
• Divodit
• Duddjot
• Sihkkeltuvrrat
• Bowling
• Breahttaspealut
• Galledit návehiid

Doarjjaolbmuide máksojuvvo 300 ru diimmu ovddas..

Galledanruovttut máksojuvvojit KS galledanruovttuid máksomeriid mielde.:
Veiledende satser for fosterhjem og besøkshjem 2026 External link, opens in new window.

Jus jurddašat ahte dát soaitá leat juoga dutnje, de váldde oktavuođa Liss Mikalseniin.:
Tel.:        464 00 373
Epoasta:     liss.mikalsen@tana.kommune.no