Kong Harald V

Midjiide lea stuorra morrašiin boahtán diehtit gonagas Harald V jápmima birra.

Mu jurdagat mannet ovddemustá Gonagasbearrašii, geat leat massán sin lagamus olbmo.

Mu jurdagat mannet maiddái Norgga ja Sámi álbmogii, geat leat massán stuorra jođiheaddji ja ovdagovva.

Stuorra nationála ja persovnnalaš morrašiin lea gonagasbearaš su jođiheami vuolde leamaš stáđis ja čoahkis álbmoga várás.

Gonagas Harald V lea badjel 35 jagi doaibman garrasit ovttastahttin álbmogii.

Gonagas lei dovddus go lei njuolgga ja čielggas dásseárvoáššiin, gos son ovddidii fátmmasteaddji servodaga buohkaide geat orrot Norggas. Gonagas Harald lea olles iežas ráđđema áigge leamaš guovddáš ja ovttastahtti rollas Norgga álgoálbmogiidda ja unnitloguálbmogiidda, ja konsekveanta defineren buohkaid lunddolaš oassin norgga servodagas.

Gonagas lea leamaš ii politihkalaš čoahkkananbáiki olles Norgii, ovttastahttán min buori ja bahá áiggis. Mii olmmožin álo ohcat dorvvolašvuođa váttis áiggiin ja don ledjet dat dorvvolašvuohta, munnje ja olles riikii.

Gonagasas Harald V:s lea leamaš hirbmat dehálaš mearkkašupmi sámiide, erenoamážit go son almmolaččat dovddastii ahte Norga lea vuođđuduvvon guovtti álbmoga eatnamiidda. Go Gonagas Harald rabai Sámedikki 1997:s, de son dajai historjjálaš sániid: "Norgga stáhta lea vuođđuduvvon guovtti álbmoga eatnamiidda - dážaid ja sápmelaččaid."

Gonagas Haraldis lea guhkes ja lagaš oktavuohta Finnmárkui, mii álggii juo dalle go son ja Dronnet Sonja leigga vuosttaš stuora almmolaš mátkkis 1969:s.

Gonagas Harald lea máŋgga geardde leamaš Deanus almmolaš guossástallamiin, finadan fatnasiin ja juohkán juollidemiid olbmuide min gielddas.

Gonagas Harald V rabai almmolaččat Sis-Finnmárkku diggegotti Deanus geassemánus 2004. Mus lei nu lihkku ahte ledjen bovdejuvvon ja bessen oassálastit rahpamis. Mun deiven du ii dušše dáppe, muhto maiddái máŋgii ovdal ja maŋŋil dán dáhpáhusa.

Deanu álbmoga ovddas sávan ráfi Gonagas Harald V muitun❤️

Deanu gieldda sátnejođeaddji

Jon Erland Balto