Hárjehallan Deanus, Unjárggas, Čáhcesullos ja Várggáin

Finnmárkku Ruovttusuodjalusguovlu 17 (RS-17) čađaha hárjehallama áigodagas čakčamánu18.-24.b. Deanu, Unjárgga, Čáhcesullo ja Várggáid gielddain.

Hárjehallama oktavuođas lassána militearalaš aktivitehta gielddain. Ássit sáhttet oaidnit soalddáhiid, militeara fievrruid ja eará rusttegiid geainnuid alde ja čoahkkebáikkiin ja daid birrasiin. Dát lea oassin Suodjalusa hárjehallan plánas.
Stuorámus aktivitehta lea áigodagas čakčamánu 20.-23. b.

Báhčaleapmi ja bávkkeheamit sáhttet gullut

HV-17 áigu geavahit dohkkehuvvon báhčinšiljuid hárjehallama oktavuođas. Sáhttet maid báhčit nu gohčoduvvon " ruksesplásttain ", mii Suodjalusas lea " rødplast ", dat leat bávkkanasat mat bávkkehit ja bešket, muhto dain eai leat albma luođat.

Ássit sáhttet danin vásihit bávkkehemiid ja áigodagaid gos lea eanet riedja. Dát lea oassin plánejuvvon hárjehallamis.

Seivvorat maid geavahuvvojit
Oassin hárjehallamis áigu HV-17 geavahit seivvoriid. Ássit sáhttet danne oaidnit seivvoriid áimmus hárjehallama oktavuođas.
Seivvoriid geavahit hárjehallamiid oassin ja dat leat oassin daid doaimmaid čovdosiin mat hárjehallojuvvojit.

Suodjalusa doaimmat geaidnoguorain ja báikegottiinlitær aktivitet langs vei og i lokalmiljøene
Suodjalusa fievrrut ja olbmot sáhttet johtit almmolaš geainnuid mielde ja čoahkkebáikkiin. Sii geat vudjet ja earát geat vánddardit guovlluin, ávžžuhuvvojit leat várrogasat ja addit suodjalusa fievrruide dárbbašlaš saji.
Muhtumin sáhttet maid dáhpáhuvvat gaskaboddosaš rievdamat johtolagas hárjehallama geažil.

Hárjehallan lea plánejuvvon
Hárjehallan lea plánejuvvon ja čađahuvvo hárjehallan dihtii Ruovttusuodjalusa bargiid ja ossodagaid čoavdit iežaset bargamušaid. Hárjehallan lea oassin HV-17 dábálaš hárjehallamis ja čađahuvvo ovttas Suodjalusa eará oassálastiiguin ja guoskevaš siviila oassálastiiguin.