Gulaskuddan - Láhkaásahus ealgga bivddu álggaheamis, ealgga uhcimus areála mearrideapmi ja ealgga bivdodivada mearrideapmi, Deanu gielda.
Ođđa Láhka bivddu, guolásteami ja fuođđobivddu birra jna. (viltressursloven) bođii fápmui 01.07.2026. Dán oktavuođas gáibiduvvo ahte galgá máksit goddinlobi juohke ealggas ja ruksesgottis mii goddojuvvo.
Villaresursalága § 9 válddahallá bivdodivada, goddin-divada ja fuođđofoandda. Dain gielddain gos lea lohpi báhčit ealgga, ruksesgotti ja ruoiggu, galgá gielda ásahit gieldda fuođđofoandda man ulbmil lea ovddidit gieldda fuođđohálddašeami.
Gielddalaš fuođđofoandda regulere Láhkaásahus gieldda ja fylkagieldda fuođđofoanddaid ja ealggabivddu ja ruksesgotti divada birra. Stuoradikki bušeahttamearrádusaid (stáhtabušeahta) bivdodivadiid máksomearit. Vai gielda galgá sáhttit gáibidit goddinlobi, de ferte gielda mearridit gielddalaš njuolggadusa goddinlobi birra. Gielda gáibida goddinlobi vállaovddasteddjiin. FeFo guovllus lea geavahus ahte FeFo gáibida bivdodivada mii guoská ealgabivddu loahppafakturái ja de máksá olles submi gildii. Goddindiva váldojuvvo mielde gieldda máksomeroštallamii, ja ođasmahttojuvvo jahkásaččat alimus máksomeari mielde maid Stuoradiggi mearrida. Goddinlobi divat galgá mannat gieldda fuođđofondii.
Láhkaásahusa mielde fuođđohálddašeami birra § 5 galget gielddat mearridit láhkaásahusa bivddu álggaheamis ealgabivdui, ruksesgoddái ja ruigui. Gielda galgá maiddái mearridit uhcimus areála. Evttohus rievdadit uhcimus areála ferte ovddiduvvot ovdal ođđajagimánu 15. beaivvi, ja gielda ferte dalle rievdadit gustojeaddji láhkaásahusa ovdal njukčamánu 15. beaivvi seamma jagi. Danne evttohuvvo dán vuoru viidásetfievrridit dálá uhcimusareála ođđa gielddaláhkaásahusas. Gielddahoavda árvvoštallá dattetge ahte otná uhcimusmearri lea mearriduvvon nu ahte dat addá vejolašvuođa njuovvat doarvái ollu elliid.
Guoskevaš láhkaásahus mii rahpá vejolašvuođa bivdit ealggaid, lea mearriduvvon Finnmárkku fylkkamánnis cuoŋománu 5. b. 2001. Dát lea láhkaásahus bivdolobi birra ealgabivdui Čáhcesullo, Guovdageainnu, Fálesnuori, Porsáŋggu, Kárášjoga, Davvesiidda, Deanu, Unjárgga, Mátta-Várjjaga ja Bearalvági gielddain Finnmárkkus. Dán láhkaásahusas lea mearriduvvon ahte galgá leat lohpi bivdit, ja ahte ii galgga leat menddo unna areálain bivdit máŋga gielddas Finnmárkkus. Álkivuođa dihte lea sávahahtti čohkket sihke bivddu álggaheami, ealgga unnimus areála, ja goddinlobi mearrideami ovtta gielddalaš láhkaásahussii.
Hálddašanlága § 37 mielde galgá láhkaásahusevttohus sáddejuvvot gulaskuddamii ja biddjot almmolaš dárkkisteapmái ovdal go loahpalaččat mearriduvvo. Láhkaásahusevttohus sáddejuvvo gulaskuddamii guoskevaš gulaskuddanberoštusaide, ja biddjojuvvo gieldda ruovttusiidduide.
Mearrádusat mat gullet dán gulaskuddamii, leat juo mearriduvvon gustojeaddji Bivdu ja fuođđobivdu-lágas §§ 18 ja 40, ja láhkaásahusain ealgabivddu hálddašeami birra §§ 5 ja 6, ja láhkaásahusain gielddalaš ja fylkkagielddalaš fuođđofoandda birra ja ealggabivddu ja ruksesgotti divada birra. Ulbmil dáinna láhkaásahusain lea čohkket daid mearrádusaid, mat gusket bivdui ja bivdodivadii, ovtta láhkaásahussii. Meahcce- ja ealáhuslávdegoddi galgá meannudit láhkaásahusa ovdalgo dat loahpalaččat meannuduvvo Gieldastivrras.
Gulaskuddanáigemearrin biddjojuvvo 6 vahkku (oktasaš luopmu rehkenastojuvvo mielde).
Áigemearri buktit gulaskuddanvástádusa lea borgemánu 24.b. dii 09:00.
Geahča liŋkkaid:
Forslag til forskrift om åpning av jakt, minsteareal og fellingsavgift, Tana kommune pdf, 64 kB, opens in new window.
Behov for forskrift om fellingsavgift for elg (brev fra FeFo) pdf, 109 kB, opens in new window.
Til kommunene om forskrift om fellingsavgifter (brev fra Fylkeskommunen) pdf, 65 kB, opens in new window.
