Deanu gieldda neahttasiiddut - dál maid sámegillii

Deanu gielda gullá sámegiela hálddašanguvlui ja lea nu gohčoduvvon giellaovdánahttingielda, ovttas Unjárggain, Kárášjogain ja Guovdageainnuin. Dáppe leat stuora geatnegasvuođat: álgoálggus galget ássit sáhttit váldit oktavuođa ja gulahallat gielddain sámegillii seamma álkit go dárogillii

Nu ii leat leamaš. Hálddahusas leat mis dušše moadde bargi geat hálddašit sámegiela, ja gieldda čálalaš gulahallan lea measta aivve dárogillii.

Danne mii leat ilus go sáhttit almmuhit ahte min neahttasiiddut dás duohko galget leat sihke sámegillii ja dárogillii. Lea váldán veahá áiggi jorgalit buot čállosiid dárogielas sámegillii, muhto dás ovddosguvlui galgá almmuheapmi dan guovtti gillii dáhpáhuvvat bálddalagaid. Seammás mii illudit go oaidnit ahte Deanu sámeskuvlla ohcciidlogut ain lassána: sáhtašii leat ahte muhtun beaivve lea seamma lunddolaš jorgalit sámegielas dárogillii go dárogielas sámegillii?