Geahčastat ja almmolaš journála

Geahčastat ja almmolaš journála birra

Deanu gielda geavaha eInnsyn, almmolaš doaimmaid oktasaš almmuhanbálvalusa, almmuhit poastajournála interneahtas.

Poastalisttas sáhtát čálihit buot dokumeanttaid mat eai leat čuldojuvvon almmolašvuođas, dat mat leat čuldojuvvon almmolašvuođas leat merkejuvvon Almmolašvuođas čuldojuvvon, jus háliidat geahčadanvuoigatvuođa, de sáhtát diŋgot geahččanlobi go deaddilat Diŋgo geahčadanlobi

Sáhtát maid diŋgot geahččanlobi jus sáddet ohcama e-poasttain min poastačujuhussii. Sáhtát maid bivdit beassat oaidnit ášši jus it dovdda áššenummara. Čilge buoremus láhkai masa don háliidat geahččanlobi.

Dábálaččat vástiduvvo 1-3 bargobeaivvis.

Gieldda journálačállosat ovdal 03.11.2020 eai leat olámuttus eInnsyn:s

Manne lea geahčastat nu dehálaš?

Geahčadatvuoigatvuohta lea demokratiija deháleamos geađgejuolggit. Dat lea čállojuvvon Vuođđoláhkii olmmošvuoigatvuođaid kapihttalis. Sátnefriddjavuođa birra čuožžu Vuođđolága §:s 100 viđát lađđasis:

"Juohkehaččas lea vuoigatvuohta oaidnit stáhta ja gielddaid dokumeanttaid ja čuovvut diggečoahkkimiid ja álbmotválljen orgánaid ráđđádallamiid. Lága bokte sáhttá ráddjet dán vuoigatvuođa persovdnasuddjema vuhtiiváldima dihte ja eará stuorra deasttaid geažil."

Vuoigatvuohta beassat geahčadit áššedokumeanttaid ja vuoigatvuohta oassálastit digaštallamis gohčoduvvo almmolašvuođaprinsihppa. Geahčadanvuoigatvuohta galgá váikkuhit dasa ahte ássit ožžot doarvái, relevánta ja buori diehtojuohkima áššiin maid eiseválddit meannudit ja mearridit.

Oassi almmolašvuođalága sisdoalus

Almmolašvuođaláhka sisdoallá mearrádusaid mat gusket riektái beassat oaidnit almmolaš hálddašeami dokumeanttaid. Váldonjuolggadussan lea ahte juohkehaš sáhttá gáibidit beassat oaidnit áššedokumeanttaid, journála ja sullasaččaid. Almmolašvuođalágas leat maid mearrádusat dan birra mii lohkkojuvvo dokumenttan, ja goas dat dokumeanta šaddá almmolažžan.

Eai galgga earuhuvvot olbmot, ja váldonjuolggadussan galgá geahčadeapmi leat nuvttá. Lágas lea mearrádus «liigegahčadeami» (merinnsyn) birra. Dat mearkkaša ahte eiseválddit galget árvvoštallat sáhttá go addit lobi geahčadit, vaikko dan álggos sáhtášii biehttalit.

Lágas leat mearrádusat spiehkastaga birra geahččama vuoigatvuođas. Dakkár spiehkastemiide sáhttá ággan leat dat ahte dieđut leat jávohisvuođageaskku vuolde. Dokumeanttat mat leat ráhkaduvvon orgána siskkáldas áššemeannudeami oassin, nugohčoduvvon siskkáldas dokumeanttat, sáhttet maiddái čuldojuvvot geahččamis.

Lágas leat njuolggadusat dan birra mo son gii ii beasa geahččat áššebáhpáriid, sáhttá váidit, ja mo almmolaš áššebáhpáriid váidalus galgá gieđahallojuvvot.

Čujuhus almmolašvuođaláhkii lea siiddu vuolimuččas Lágaid ja njuolggadusaid vuolde.

Váidinvejolašvuohta

Jus ohcamuššii ii mieđihuvvo, de dan galgá čálalaččat vuođustit ja čujuhit mearrádussii mii lea vuođđun mearrádussii, ja dieđihit dan birra 3 vahku siste dan rájes go mearrádus lea dahkkojuvvon.

§31 Ofl. Váidaleapmi váilevaš vástádusa/ruovttoluottadieđiheami galgá leat 5 virgebeaivvi siskkobealde.

§31 Ofl. Váidaleapmi/gáibádus viiddiduvvon vástádussii/ákkastallamii, ja vejolaš eambo geahččanlohpi (§ 11 Ofl.) 3 vahku siste.

§32 Ofl. Váidit biehttaleami oažžut geahččat áššebáhpiriid ja gáibidit ahte Finnmárkku fylkkamánni sádde áššebáhpiriid viidáseappot árvvoštallamii 3 vahku áiggis (go hilgun lea guhkiduvvon vástádusain/ákkain)

*Biehttaleami váidin sáddejuvvo gildii viidáseappot sáddemii ja váiddameannudeapmái Fylkkamánnii*

Siviilaáittardeaddji neahttasiidduin gávnnat dieđuid dan birra mo váiddát mearrádusaid maid almmolaš hálddahus lea dahkan. Siviilaáittardeaddji liŋkka gávnnat siiddu vuolimuččas Liŋkkat vuolde

Poastalista

Poastalista čájeha reivviid mat leat sáddejuvvon dahje mat leat boahtán Deanu gildii.

Dokumeantašlájat leat čilgejuvvon kodain I sisaboahtán poasta, U olggosmanni poasta ja N siskkáldas notáhtta (čálus mii sáddejuvvo gieldda bargiid gaskkas geain lea beassanlohpi ášši/arkiivavuogádahkii Elements).

Almmolaš poastalista almmuhuvvo go dieđut leat kvalitehtasihkkarastojuvvon persovdnasuddjema ja almmolašvuođa ektui. Journalposišuvnnat ja dokumeanttat mat eai leat almmolaččat, leat merkejuvvon. Poastalisttu almmuha viđa beaivvi siste dan rájes go dat lea áigeguovdil.

Elektrovnnalaš poastajournála lea 03.11.20 rájes gitta d.d.

Jus háliidat geahččat boarráset áššiid, de sáhtát sáddet jearaldaga poastavuostáiváldái dahje váldit oktavuođa ráđđevissui.