Gielddaplána servodatoassi

Gielddaplána lea gieldda deháleamos stivrendokumeanta, ja das lea servodatoassi ja areálaoassi. Servodatoasis válddahallojuvvojit báikkálaš servodaga guhkesáiggi hástalusat, mihttomearit ja strategiijat.

Deanu gielddastivra meannudii, čoahkkimis 11.12.2025, "Gielddaplána servodatoassi 2025 - 2035". Plánamearrádus dahkko plána- ja huksenlága § 11-15 vuođul

Plána bidjá láidestusaid gieldda guhkesáigásaš ovdáneapmái ja válddaha mihttomeriid ja strategiijaid das mo mii báikegoddin galgat dustet boahtteáiggi hástalusaid ja vejolašvuođaid..

Gielddaplána servodatoassi váldá ovdan dehálaš fáttáid nugo servodatovdáneami, álbmoga, ealáhusovddideami, álbmotdearvvašvuođa ja searvvaheami. Plána galgá leat bajimuš stivrendokumeanta gieldda doaimmaide ja bidjat vuođu viidáset plánemii ja vuoruhemiide. Leat biddjon 6 oasseulbmila, ja maiddái areálastrategiija ja áŋgiruššansuorggit Deanu gieldda várás.

Plána barggu čađa leat leamaš mielde ássit, ealáhusat, eaktodáhtolaš organisašuvnnat ja earát. Cealkámušat leat leamaš dehálaččat sihkkarastit plána mii lea vuođđuduvvon báikkálaš servodaga dárbbuide ja sávaldagaide.

Plánadokumeanttat, meannuduvvon árvalusat ja prográmmaplánat gávdnojit "Mildosiid" vuolde