Priváhta plánaálgagat

Lea go dus priváhta plánaálgga? Dás lea čohkkejuvvon buot mii lea relevánta plánendásis.

Ovdal proseassa

Ovdalgo proseassa álggahuvvo, de fertejit máŋga beali čilgejuvvot. 

Konsuleantafitnodat

Regulerenplána bidjá ollu gáibádusaid hábmemii, čađaheapmái jna. Dalle válljejit ollugat šiehtadit priváhta konsuleantafitnodagaiguin ráhkadit plána. Gielda váldá hárve badjelasas diekkár doaimmaid, go dat dávjá lea kapasitehtagažaldat. 

Eará berošteaddjit

Árra plánemis lea vuogas váldit oktavuođa eará berošteddjiiguin guovllus, vai sáhttá ásahit gulahallama omd. eará vuoigatvuođalaččaiguin dahje guovllu geavaheddjiiguin. Dat sáhttet ovdamearkka dihte leat gilisearvvit, boazoorohagat ja eará beroštupmiorganisašuvnnat. 

Proseassa

Álggahančoahkkin

Plánaproseassa álgá formálalaš čoahkkimiin gaskal gieldda, huksejeaddji/evttoheaddji ja konsuleantta gii galgá ráhkadit plána. Evttoheaddji ovdanbuktá plána ulbmila, ja gielda addá rámmaid ja láidestemiid viidásat plánabargui. Áigeguovdilis áššečuolmmat ja čielggadandárbbut galget maid digaštallojuvvot. 

Álggahandieđiheapmi

Evttoheaddji galgá dieđihit plánabarggu álggaheami birra. Buot guoskevaš bealit galget dieđihuvvot njuolga. Dat sáhttet leat guovllu eanaeaiggádat, guoskevaš eiseválddit ja earát geain lea beroštupmi plánii. Plánabarggu álggaheami galgá maiddái almmuhit aviissas ja gieldda ruovttusiidduin. Deanu gielddas galgá dieđihuvvot aviissain Finnmarken, Ávvir ja Ságat.

Lágas ii leat sierra áigemearri dieđiheami birra álggaheami birra. Jus plánaprográmmaevttohus biddjojuvvo ovdan álggaheami oktavuođas, de lea gulaskuddanáigemearri guhtta vahku. Jus dieđihuvvo álggaheami birra almmá plánaprográmma haga, de ferte addojuvvot govttolaš áigemearrin. Unnimusat 30 beaivvi. 

Plána ráhkadeapmi

Konsuleanta ráhkada plánaevttohusa mii lea vuođuštuvvon evttoheaddji sávaldagaide, vuostáiváldojuvvon árvalusaide ja gieldda rámmaide ja eavttuide. Lea sávahahtti ahte lea buorre gulahallan evttoheaddji/konsuleantta ja gieldda áššemeannudeaddji gaskka. Bargoseminárat barggadettiin livčče buorre jurdda. 

Vuosttaš gearddi gieđahallan

Vuosttaš gearddi meannudeames galgá leat konkrehta muddenplánaevttohus. Árvalussii galgá gullat plánakárta, mearrádusčoahkki ja áššečilgehus dahje áššečilgehus mii válddahallá plánevttohusa. Plánaevttohusa meannuda ovdagoddi. Sii árvvoštallet galgá go evttohus sáddejuvvot almmolaš geahčadeapmái vai ii. Ovdagoddi sáhttá maid gáibidit rievdadusaid dahkkot ovdal go plána biddjojuvvo almmolaš dárkkisteapmái. Vuosttaš gearddi gieđahallamis lea 12 vahku áigemearri. 

Gulaskuddan / almmolaš geahčadeapmi

Go plána biddjojuvvo almmolaš dárkkisteapmái/gulaskuddamii, de galget buot guoskevaš bealit, eanaeaiggádat ja almmolaš eiseválddit dieđihuvvot njuolga seammás go plána almmuhuvvo gieldda ruovttusiidduin ja aviissain Finnmarken, Ávvir ja Ságat. Dán áigodagas sáhttet buohkat, geat háliidit, buktit árvalusaid ja mearkkašumiid plánii. Plánaprográmma galgá leat almmolaččat almmolaš geahčadeapmái unnimusat 6 vahku. 

Plána ráhkadeapmi - vejolaš mearkkašumit

Jus plánaevttohus rihkku nationála dahje regionála láidestusaid, njuolggadusaid jna. almmolaš eiseválddit sáhttet vuosttaldit plánaevttohusa. Jus ležžet vuosttaldeamit dahje mearkkašumit, de daid ferte čielggadit ja vejolaš rievdadusaid dahkat ovdalgo sáhttá viidáseappot meannudit ášši. Stuorát rievdadusat sáhttet mielddisbuktit ođđa almmolaš gulaskuddama dahje ráddjejuvvon gulaskuddama. 

Nuppi gearddi meannudeapmi

Jus plánas leat dahkkojuvvon rievdadusat boahtán vuostecealkagiid ja/dahje mearkkašumiid vuođul plánaevttohussii, de galgá ođđa plána ja gulaskuddancealkámušat mat leat boahtán gulaskuddamis biddjot ovdan ovdalávdegoddái. Ovdagoddi galgá mearridit galgá go plána sáddejuvvot gielddastivrii loahpalaš mearrideapmái. Nuppi gearddi meannudeamis lea áigemearri 12 vahku. 

Gielddastivrra mearrádus

Gielddastivra mearrida (dahje ii) plána maŋŋágo dan lea meannudan ovdagoddi. Go muddenplána lea mearriduvvon, de lea dat riektefámolaš. Muddenplána sáhttá maid mearriduvvot kárta- ja mearrádusrievdadusaiguin. Politihkalaš meannudeami áigemearri lea 12 vahku. 

Almmuheapmi ja vejolaš váiddameannudeapmi

Go muddenplána lea mearriduvvon, de dieđihuvvo njuolgga eanaeaiggádiidda ja guoskevaš gulaskuddanásahusaide. Dat galgá maid almmuhuvvot gieldda ruovttusiidduin ja aviissain Finnmarken, Ávvir ja Ságat. 

Jus politihkkárat leat mearridan plánarievdadusa, de ferte plánakonsuleanta/evttoheaddji dárkkistit plánamateriála ovttas áššemeannudeddjiin, ovdal go mearrádus almmuhuvvo. 

Sii geaidda plána guoská dahje geain muđui lea lágalaš váidinberoštupmi, sáhttet váidit gielddastivrra mearrádusa. Vejolaš váidagiid meannuda ovdagoddi. Jus ovdagoddi ii váldde vuhtii váidaga, de dat sáddejuvvo viidáseappot Stáhtaráđđái, mii dahká loahpalaš mearrádusa das váldojuvvo go váidda vuhtii vai ii. 

Gustovaš lágat

Plan- og bygningsloven. External link, opens in new window.

Forskrift om behandling av private forslag til detaljregulering etter plan- og bygningsloven. External link, opens in new window.