Regulerenplánat

Regulerenplánat leat reaidun stivret gieldda ovdánahttima sávahahtti guvlui ja dat addet rámmaid gielddaid areálaid ja visttiid geavaheapmái ja hábmemii. Plánat galget maid sihkkarastit ahte visttiid ja olgoareálaid estetihkalaš bealit fuolahuvvojit maŋit áigái.

Regulerenplánas lea dárkilis areálaplánakárta oktan geavahannjuolggadusaid, suodjaleami ja areálaid ja fysihkalaš birrasiid hábmema mearrádusaiguin. Regulerenplána mearrida maid guhtege eanaeaiggát sáhttá hukset, ja maid.

Priváhta evttoheaddjit ovddidit máŋga detáljaregulerenplána. Ovddidanossodat meannuda plánaid ja ovddida daid politihkalaš meannudeapmái. Ovddidanossodagas lea maiddái ovddasvástádus ráhkadit gieldda iežas muddenplánaid. Proseassaid bokte lea dus ássin vejolašvuohta váikkuhit plána sisdollui. Plánat leat juridihkalaččat čadni go gielddastivra daid lea mearridan.