Kommunekart.com geavaheaddjirávagirji

Dá lea geavaheaddjirávagirji gielddakártii, maid Deanu gielda geavaha kártan.

Neahttačujuhus: https://kommunekart.com  External link.

Dát sisafievrrideapmi lea juhkkojuvvon golmma oassái. 

1. oasis leat vuođđodieđut mo gávdnat kártta, ohcat dállodoallo- ja geavahannummara ja mo aktiviseret kártadieđuid. 

2. oasis leat eanet funkšuvnnat

3. oassi gieđahallá mo ráhkadit kártaoassegovaid gieldda kárttain.

1. oassi

Go manat neahttasiidui, de oainnát dán:

Jus zoomaat dárkilit Deanu gieldda guvlui, de oaidná "Kartlag"-boalu gurut bajimusas, mii rahpá Deanu gieldda gielddamearkka gova:

Siiddus "Oza čujuhusa, báikki dahje opmodaga" sáhttá ohcat dálu- ja doallonummara, dahje gáhtačujuhusa. Fertet leat zoomejuvvon doarvái guhkás ahte Deanu gieldda logo oidno, muđui gielddakárta čájeha eará gielddaid main lea seamma dállodoallo- ja geavahusnummir/čujuhus.

Čále 13/45 ohcanruktui ja deaddil "Tana, 13/45"

Dalle don sáddejuvvot Deanu ráđđevissui:

Vuolimusas gurutbealde beasat válljet makkár duogáškártta galggat geavahit. Dás sáhtát válljet Kárttaid, Graddekárttaid ja Girdigovaid.

Oažžut maiddái menya olgešspálttas, mas oainnát adreassa, opmodaga viidodaga ja opmodaga nama. Deaddil "Geahča eanet kártalágidusaid" jus áiggut oaidnit eará kártalágidusaid dieđuid:

Jus áiggut giddet dahje rahpat dáid kártagerddiid, deaddil "čalmmi" gurut bealde omd. Gielddaplána:

Jus de zoomat olggos, de oainnát ahte leat aktiveren gielddaplána areálaoasi olles gildii:

Seamma guoská jus bidjá kártagearddi "Reguleringsplan". Deaddil dasto vuolimusas olgešbealde "Reguleringsplaner" de ihtá menyja gos sáhtát válljet maid háliidat geahččat muddenplánas. Jus válljet "Areálaulbmilguovlu", de ihtá čuovvovaš meny:

Dáppe gávnnat ahte ráđđeviesus lea areálaulbmil: Hálddahus, muddenplánas. Gielddaplána areálaoasis baicca oaidnit ahte ráđđeviesus lea areálaulbmil "Guovddášulbmil":

Go geahččá "Plánaidentifikašuvnna" de oaidná guđe jagi dohkkehuvvon plána lea, ja makkár nummar das lea. Omd. Regulerenplánas lea plána ID 2013003. Dat mearkkaša ahte dat mearriduvvui 2013:s. Gielddaplána lea jagi 2010 rájes. Regulerenplána manná danin gielddaplána ovddabeallái vuolggasajis, jus fal eará ii leat mearriduvvon plánamearrádusaid vuođul, vrd. plána- ja huksenlága § 12-14. plána- ja huksenlága §1-5.

2. oassi

Jus manat viidáseappot ja deaddilat "Plánaregisttar" mii lea vuolimusas menyas ovddit govas, de ihtá plánaregisttar válljejuvvon plánii (omd. plána dahje gielddaplána). Dát siiddut čájehuvvojit ná (gielddaplána lea válljejuvvon):

Gielddaplána plánaregisttar

Dáppe oažžu dieđuid plána birra,

Plánadokumeanttat ja eará dokumeanttat

Dákko sáhttá deaddilit omd. mearrádusa jus háliida oaidnit dokumeantta (viežžat PDF)

Spiehkastagat gustovaš plánas

Jus deaddila gustojeaddji mearrádusaid (alit čálus) " Plánadokumeanttat " vuolde, de viežžá pdf-hámis gustovaš plánamearrádusaid.

Gielddaid kárttain deaddilat dál gieldda logo ja " Kártageardi " bajimusas gurutbealde. Oaččut viiddiduvvon menya olgešspálttas mas leat eanet válljemat. Kártagearddit mat leat aktiivan leat merkejuvvon "gollážiin" čalmmis. Vuolábealde oainnát ahte "Dohkkehuvvon huksendoaibmabijut" lea aktiviserejuvvon, ja "LedningVA_FKB" ii leat aktiviserejuvvon. Deaktiveret dahje aktiveret, deaddil njuola olgešbealde čalmmis:

Ovdamearkka dihte, vai beasat álggahit kártagearddi "Skohterluottat", de fertet mannat "Luottat" ovddit čuoggás viiddiduvvon menys. Deaddilat čalmmi vai aktiveret kártagearddi, ja oainnát ahte skohteluottat bohtet ovdan kárttas:

Skohterluottat leat alit linjján

Oassi 3 - Kártaosiid ráhkadeapmi

Jus galgá ráhkadit kártaoasi prentemii dahje PDF:i, de vállje vuosttažettiin dan guovllu maid áigu atnit vuolggasadjin. Dán oktavuođas válljejuvvo Deanu ráđđeviessu.

Mii válljet oainnusindahkat muddenplánaid, go mii dán ovdamearkkas háliidit dan mielde deaddileapmái/PDF:i.

Mii geavahit maiddái sárgundoaimma (Meny → Tegn i kart) gielddakárttas, markeret jorba ráđđeviesu birra.

Dasto válljet "Skriv ut" (Meny → skriv) ja dát lássa rahpasa:

Mii deaddilat "Skriv ut" (Ruoná boallu bajimuččas), ja de rahpasa čuovvovaš lássa.

Dákko sáhttá válljet gos dat čálihuvvo dahje sáhttá vurket dan PDF-hámis.