Váidit huksenáššemearrádusaid

Jus leat ožžon mearrádusa, mearrádusa kopiija dahje leat bealálaš áššis, de sáhtát oažžut vuoigatvuođa váidit mearrádusa.

• Gii sáhttá váidit?
• Dán sáhtát váidit.
• Dán gal it sáhte váidit
• Váidináigemearri
• Mo váidit
• Áššejohtu

Gii sáhttá váidit?

Váidinvuoigatvuohta guoská sutnje gii lea áššebealli áššis dahje geas lea lágalaš váidinberoštus. Bealálaš lea son geasa mearrádus guoská dahje njuolga guoská. Rievttálaš váidinberoštupmi guoská sidjiide geain lea dihto gullevašvuohta áššái. Dat sáhttet ovdamearkka dihte leat ránnját, ođđasitássit, lagašguovllu ássit, searvvit ja berošteaddji organisašuvnnat. Rievttálaš váidinberoštupmi árvvoštallojuvvo konkrehta juohke áššis. 

Dán sáhtát váidit.

Mearrádusaid huksenlobi birra dahje huksenohcamii biehttaleami birra sáhttá váidit plan- og bygningsloven § 1-9 External link, opens in new window. maid sáhttá váidit, geahča dákko forvaltningsloven § 28 External link, opens in new window.. 

Dán gal it sáhte váidit

• Áššit mat leat juo mearriduvvon ja váidináigemearri lea dievvan. Dát guoská mearriduvvon muddenplánii, dihto dispensašuvdnii dahje ovdalis mearrádussii huksenáššis.
• Mearrádusat álggahanlobi birra, earret go dat ahte rievdadit rámmaid addojuvvon lobi eavttuide.
• Mearrádus gielddaplána birra.
• Divat, muhto sáhtát váidit jus ozat dan vuoliduvvot ja gielda biehttala dán.

Váidináigemearri

Váidináigemearri lea golbma - 3 - vahku.

Áigemearri gusto dan rájes go vuostáiválddát dieđu mearrádusa birra ja gusto vaikko livččet leamaš mátkkis dahje eará sivaid geažil it leat ožžon dieđu mearrádusa birra. Jus it leat ožžon mearrádusa, de lea áigemearri golbma vahku dan rájes go don oahpásmuvat mearrádussii dahje don galggaše leat ožžon dieđu mearrádusa birra. Váidin galgá leat sáddejuvvon ovdal áigemeari loahpa. Jus váidda lea ovddiduvvon menddo maŋŋit, sáhttá gielda hilgut váidima, muhto muhtun háviid sáhttá gielda árvvoštallat ahte lea ulbmillaš gieđahallat dan dattetge. 

Ná váiddát

Váidin galgá leat čálalaš ja vuolláičállojuvvon. Forvaltningsloven § 32 External link, opens in new window. bidjá eavttuid mo váidda galgá hábmejuvvot, ja gielda dárbbaša čuovvovaččat meannudit váidaga:

• Čále ahte lea váidda ja masa mearrádus guoská.
• Makkár oktavuohta dus lea áššái ja manne váiddát.
• Mii háliiduvvo rievdaduvvot ja jus dus leat ođđa dieđut.
• Jus háliida maŋidit álggaheami (bissehit doaimma álggaheami), de ferte dan ákkastit.

Vuoigatvuohta oaidnit áššedokumeanttaid ja vuoigatvuohta oažžut rávvema: (forvaltningslovens § 11 External link, opens in new window.)

Muhtun ráddjehusaiguin, de lea áššeoasálaččain riekti oaidnit áššebáhpiriid mat gullet áššái. Dakkár sávaldagas ferte váldit oktavuođa mihtto- ja huksenossodahkii Sandfallveien 1:s. Doppe lea maid vejolaš oažžut lagabui rávvema váiddavejolašvuođas ja viidáset áššemeannudeami birra.

Gosa sáddet váidima?

Váidinásahus lea Romssa ja Finnmárkku stáhtahálddašeaddji. Váidin sáddejuvvo;

• e-poasta: postmottak@tana.kommune.no
• dahje reivve bokte: Tana kommune, Rådhusveien 24, 9845 Tana

Áššejohtu

• Áššemeannudanáigi lea dábálaččat 8 vahkku.
• Váidin meannudeami ovddas ii dárbbaš máksit maidege ja muhtun dáhpáhusain sáhttá oažžut gokčojuvvot áššegoluid.
• Eará áššeoasálaččaid áššis galgá gullat ovdal mearrádusa.
• Gielddas lea vejolašvuohta nuppástuhttit mearrádusa dahje doalahit mearrádusa ja sáddet dan plánalávdegoddái meannudeapmái.
• Plánalávdegoddi sáhttá bisuhit dahje rievdadit gieldda mearrádusa. Go lea nuppástuhttán mearrádusa, de sáhttá ođđa mearrádus fas guoddaluvvot bealálaččas dahje bealálaččas geas lea rievttálaš váidinberoštus.
• Jus plánalávdegotti seailluha gieldda mearrádusa áššis de manná Stáhtahálddašeaddjái loahpalaš mearrideapmái. Dán mearrádusa ii sáhte šat váidit.