Sádde ránnjáalmmuhusa

Ránnjáalmmuhusa galgá sáddet ránnjáide ovdal go ohcá huksenlobi. Ohcci galgá deavdit skovi ja sáddet dan gildii ovttas huksenohcamušain. Eanas huksenprošeavttat gáibidit ránnjávárrehusa.

Dáid galggat almmuhit

• Buohkain geat eaiggáduššet ja láigohit ránnjá- ja stohpodáluid. Ránnjáopmodat lea dat opmodat mii du opmodahkii guoská. Goastoeana lea opmodat mii ii leat njuolga čadnojuvvon du eatnamii, muhto mii lea sirrejuvvon geainnu, gáhta, joga dahje eará areála bokte.
• Jus leat eanet eaiggádat dahje láigoheaddjit seamma opmodagas, de galget buohkat dieđihuvvot sierra. Don fertet ieš dieđihit jus ránnjáopmodat ii leat huksejuvvon. It dárbbaš dieđihit láigolaččaide dahje láigoheaddjiide.
• Leago ránnjá oktasašeaiggátvuohta dahje ássansearvi mas lea stivra? Don galggat dieđihit stivrii, muhto it dárbbaš dieđihit daidda geat orrot oktasašeaiggátvuođas dahje ássansearvvis.
• Jus ránnjá lea gieldda opmodat, de ferte maiddái gildii dieđihit.
• Jus ohcamuš guoská gaikumii, de fertet maiddái dieđihit daidda geain lea ruhtageatnegasvuođat opmodagas.
• Jus eanet olbmot guoskkahuvvojit huksenplánaid geažil, de sáhttá gielda gáibidit ahte dat maiddái ožžot ránnjáalmmuhusa.

Dát ferte leat ránnjáalmmuhusas

• Čilge maid áiggut dahkat. Don galggat leat nu čielggas ahte sihke kránnját ja goastoássit sáhttet árvvoštallat váikkuhit go du plánat sidjiide.
• Almmuhusas galgá leat seamma dokumentašuvdna go huksenohcamis - jus dat guoská ránnjáide dahje goastoássiide. (Se mer i byggesaksforskriften SAK10 § 5-2 External link, opens in new window. ) 
• Jus dan maid áiggut dahkat gáibida sierralobi, de dat galgá boahtit ovdan ránnjáalmmuhusas.
• Don fertet dieđihit áigemeari goas don leat ožžon vejolaš mearkkašumiid ránnjáin. Áigemearri ferte leat unnimusat guokte vahku maŋŋá go ránnjáalmmuhus lea sáddejuvvon ja go sii leat ožžon dárbbašlaš duođaštusaid

Mii rávvet ahte deavddát ránnjáalmmuhusa ja huksenohcamuša oktanaga. Dalle lea álkit oažžut čielgasa maid galggat dieđihit ránnjáalmmuhusas. 

Dán láhkai sáddet ránnjáalmmuhusa ja dokumenteret ahte dat lea boahtán

Juoge olggos ránnjáalmmuhusa juohke ránnjái mat leat logahallamis. Don sáhtát kombineret dáid njeallje juohkinvuogi:

1. Sáddet digitálalaččat Altinn bokte. Vástidanáigemearri álgá dan beaivvi rájes go almmuhat. Ránnjá ii dárbbaš vástidit. Guite mii boahtá Altinn bokte das ahte leat sádden almmuhusa lea doarvái buorre dokumentašuvdna.

2. Persovnnalaš geigen. Jus geiget sutnje gihtii, de sáhttá ránnjá dies juo vuolláičállit ahte lea ožžon almmuhusa. Jus sus ii leat makkárge vuosteháhku dasa, de sáhttá son seammás čállit vuollái ahte dohkkeha huksenplánaid. Almmuhus lea gustovaš go ránnjá lea vuolláičállin vuostáiváldon almmuhusa. 

3. Sádden e-poastta dahje sms bokte. Almmuhus lea dušše fámus jus vuostáiváldi lea duođaštan ahte lea ožžon dieđu. Automáhtalaš vástádus ii leat doarvái. Jus ránnjá duođašta ahte lea ožžon dieđu, de gusto vástidanáigemearri dan rájes go don sáddet dieđu.

4. Sáddet rekommanderejuvvon reiven. Vástidanáigemearri álgá dan beaivvi rájes go reive lea sáddejuvvon, beroskeahttá man guhká ádjána go ránnjá oažžu almmuhusa. Ránnjá ii dárbbaš vástidit. Poasta ferte guitet gean don leat dieđihan, vai diehtu lea gustojeaddji.

Muitte vurket buot guittiid mat duođaštit ahte ránnját leat vuostáiváldán almmuhusa. Guittiid galggat sáddet gildii oktan kopiijain ránnjáalmmuhusas ja huksenohcamis. 

Leat go ránnjás mearkkašumit du huksenplánaide?

Ránnját sáhttet buktit mearkkašumiid áigemeari sisa maid don leat bidjan. Áigemearri ferte leat unnimusat 14 beaivvi. Árvvoštala daid mearkkašumiid:

• rievdat huksenprošeavtta mearkkašumiid vuođul ja dieđit ođđasit buot ránnjáide
• sáddet huksenohcamuša nugo dat lea, oktan buot mearkkašumiiguin ja du mearkkašumiiguin juohke mearkkašupmái

Go sáddet ohcama, de fertet bidjat mielddusin duođaštusa das ahte ránnját leat dieđihuvvon, ja čilget mo leat vuhtiiváldán vejolaš mearkkašumiid. 

Almmuhus lea fámus jagi.

Jus manná eambbo go jahki dan rájes go sáddet ránnjáalmmuhusa dassá go sádde ohcamuša gildii, de fertet sáddet ođđa ránnjáalmmuhusa. 

Don it dárbbaš almmuhit dán

It dárbbaš dieđihit ránnjáide jus bargu dahkkojuvvo siste iige olus váikkut ránnjáide ja goastoássiide. It dárbbaš maid almmuhit ránnjáide jus áiggut hukset opmodagas mii lea guhkkin eret ránnjáin, dahje jus áiggut hukset unna vistti maid ránnját eai sáhte oaidnit iežaset opmodagas. Dus ii dárbbaš maiddái ránnjáalmmuhusa sáddet jus áiggut dahkat mii ii guoskka ohcangeatnegasvuhtii.