Leat go ožžon ránnjáalmmuhusa?

Jus don oaččut ránnjáalmmuhusa, de lea muhtun jurddašan hukset dahje rievdadit iežas opmodaga lahkosis.

Ná dagat go leat ožžon ránnjáalmmuhusa.

Mii lea ránnjáalmmuhusas?

Ránnjáalmmuhus sisttisdoallá dávjá čilgehusa ja sárgosiid das maid du ránnjá áigu hukset, njeaidit dahje rievdadit. Galgá leat álki dutnje árvvoštallat váikkuhago huksen dutnje. 

Ferten go mun duođaštit ahte lean ožžon ránnjáalmmuhusa?

• Leat go don ožžon rekommanderejuvvon reivves ránnjáalmmuhusa dahje Altinn External link, opens in new window. bokte? It dárbbaš duođaštit ahte leat ožžon almmuhusa, go ránnjá sáhttá duođaštit ahte diehtu lea sáddejuvvon rivttes olbmui.
• Leat go ožžon ránnjáalmmuhusa uksas, e-poastta dahje sms bokte? Don fertet čálalaččat duođaštit ahte leat ožžon dieđu, nu ahte ránnjá sáhttá duođaštit gildii ahte don leat ožžon almmuhusa. Automáhtalaš lohkanduođaštus ii leat doarvái. Jus it duođaš čálalaččat ahte leat ožžon ránnjáalmmuhusa, de ferte ránnjá eará vuogi mielde almmuhit dutnje. 

Leat go dus gažaldagat huksenplánaid birra?

Don sáhtát jearrat oktavuođaolbmos ránnjáalmmuhusas jus du leat gažaldagat huksenplánaid birra dahje jus leat eahpečielggasvuođat almmuheamis. 

Leat go dus mearkkašumit huksenplánaide?

Sáhtát buktit mearkkašumiid jus oaivvildat ahte huksenplánat váikkuhit du negatiivvalaččat. Don sáhtát ovdamearkka dihte buktit cealkámušaid dasa gosa dat galget huksejuvvot, mo dat galget huksejuvvot dahje makkár heajos váikkuhusat huksemis leat dutnje ránnján. 

Jus eai leat makkárge mearkkašumit huksenplánaide?

Dalle it dárbbaš dahkat maidege, muhto dat veahkeha du ránnjá jus don duođaštat ahte dus eai leat makkárge mearkkašumit huksenplánaide. 

Makkár áigemearri lea buktit mearkkašumiid huksenplánaide?

• Ránnjáalmmuhus sáddejuvvon rekommanderejuvvon dahje dákko bokte Altinn External link, opens in new window.: Dan beaivvi rájes go ránnjá lea sádden almmuhusa, lea dus 14 beaivvi buktit mearkkašumiid huksenplánaide. Ránnjá ferte leat ožžon mearkkašumiid ovdal dán áigemeari. Áigemearri lea seamma beroškeahttá das goas oaččut dieđu.
• Ránnjáalmmuhus lea addojuvvon uvssas, e-poastta dahje sms bokte: Leat go čálalaččat duođaštan ahte leat ožžon ránnjáalmmuhusa? Ránnjá ferte leat ožžon du mearkkašumiid 14 beaivvi sisa dan rájes go almmuhus addojuvvon dahje sáddejuvvon. 

Mii dáhpáhuvvá du mearkkašumiiguin?

Ovddasvástideaddji ohcci huksenprošeavttas sádde mearkkašumiid gildii ovttas huksenohcamušain. Ohcci galgá čilget mo mearkkašumit leat árvvoštallojuvvon, ja čilget maid lea dahkan vai daid vuhtii váldá. Gielda árvvoštallá váikkuhitgo du ja eará ránnjáid mearkkašumit huksenplánaide. Jus ránnjá huksenplánat leat njuolggadusaid ja gielddaplána mielde, de eai dábálaččat váldojuvvo vuhtii.

Ránnjá sáhttá maid válljet rievdadit huksenprošeavtta mearkkašumiid vuođul. Dát sáhttá dagahit ahte dutnje fertet sáddet ođđa ránnjáalmmuhusa. 

Leat go ožžon rekommanderejuvvon reivve maŋŋá vástidanáigemeari?

Rekommanderejuvvon sáddagat ilbmet dábálaččat golmma beaivvi siste riikka siste. Jus poastajohtu ii doaimma ja oaččut ránnjáalmmuhusa maŋŋel vástidanáiggi, de lea ránnjáalmmuhus dattetge gustojeaddji. Dakkár oktavuođain fertet váldit oktavuođa Álttá gielddain jus dus leat mearkkašumit. Jus dus eai leat makkárge mearkkašumit, de it dárbbaš maidege dahkat.