Geavahusrievdadus

Gávnnat gáibida go doaibmabidju ohcama vai ii.

Definišuvdna

Geavahusrievdadus dat mearkkaša omd. ahte latnja adno eará ulbmilii go dan ulbmilii masa dat lea addojuvvon. Dat sáhttá gáibidit ohcama ja lobi. Dus lea ovdamearkkadihte ohcangeatnegas geavahusrievdadus jus:

rievdada lanja lassioasis (omd. vuorkás) váldooassái (omd. orrunlatnja) dahje nuppe guvlui
jus don rievdadat iežat ásodaga nu ahte šaddet guokte sierra ásodaga
geavahat visot dahje oasi ássanviesus ealáhusdoibmii

Mii lea váldooassi?

váldooassi lea dat oasit visttis gos don orut ja gos don leat, ja vel feaskárat ja tráhppát váldoosiid gaskkas. Ovdamearkan latnja mii lea váldooasis lea beaivelatnja, gievkkan, oađđenlatnja, basadanlatnja, feaskkir, olgofeaskkir ja feaskárat dáid lanjaid gaskkas.

Mii lea lasseoassi?
Lassioassi lea eará oassi dálus mat eai leat heivehuvvon orrunlatnjan, nu mo návstu ja vuorká.

Goas ferten ohcat geavahusrievdadusa?

Don fertet ohcat gielddas geavahusrievdadusa lasseoasis váldooassái, ovdamearkka dihte jus áiggut rievdadit vuorká oađđinlatnjan. Don sáhtát juogo ohcat ieš, dahje diktit ovddasvástideaddji fitnodaga ohcat du ovddas. Jus ieš ozat, de lea dus alddis ovddasvástádus ahte visot huksennjuolggadusat čuvvojuvvojit.

Galgá vuhtii váldit dan ulbmila mii muddenplánas lea, ja galgá vuhtii váldit váikkuhusaid birrasii, nugo lassi johtolaga, rabasáiggiid jna.

Gáibida ohcama

Galgá ohcat lobi rievdadit geavahusrievdadusa go huksen galgá váldojuvvot atnui eará atnui go dan ulbmilii masa dat álgoálggus dohkkehuvvui dahje lobálaš láhkái geavahuvvui. Seamma guoská eará geavaheapmái. Sivvan dasa lea go ođđa atnu sáhttá buktit ođđa gáibádusaid huksehussii dahje huksehusa geavaheapmái, ovdamearkka dihte mii guoská buollinsihkkarastimii dahje birasváikkuhussii.

Galgá álo ohcat geavahusrievdadusa jus geavaheapmi ii čuovo dan ulbmila mii doaibmalobis lea. Muitte ahte gáibiduvvo ássankvaliteahtta.

Muitte ahte dus alddis lea ovddasvástádus iskat ahte dat maid áiggut hukset ii rihko plána- ja huksenlága, gustojeaddji plánaid dahje eará njuolggadusaid. Dat sáhttá maid váikkuhit dasa ahte galggat go ohcat vai it.

Oza ieš

Jus dus lea vuorká dahje bassaladdanlatnja ja rievdadat dan oađđinlatnjan, orrunlatnjan dahje sullasažžan (rievdadat lasseoasis váldooassái) dáláš ásodaga dahje buollinsuoji siste. Eaktun lea ahte don it čađat ohcangeatnegáhtton doaibmabijuid guoddiruŋkkus, ovdamearkka dihte ahte don njeaiddát láhtti kealláris.

Søknadsskjema bruksendring External link, opens in new window.

Ohcat fágaolbmo/ovddasvástideaddji fitnodaga vehkiin

Ássanvistti dahje lassiássanviesu (ođđa ássanviesu ovdamearkka dihte láigoheami várás) huksema oktavuođas. Don fertet maiddái ohcat ovddasvástideaddji fitnodagain jus rievdadat anu, ovdamearkka dihte kántorsajis ásodahkii dahje ásodagas gávpái.

Ovdal álggaheami ferte dárbbašlaš prošekteren leat čađahuvvon.

Ohcama galgá hábmet ovddasvástideaddji fitnodat mii lea gelbbolaš čađahit ohcanproseassa. Sáhttá ovdamearkka dihte leat huksejeaddji, entreprenevra dahje arkiteakta.