Huksenohcamušaid gieđahallan

Eanas ohcamušaide lea meannudanáigi 12 vahku. Álkit ohcamušat main eai leat čilgehusat dahje mearkkašumit ránnjás, meannuduvvojit dábálaččat 3 vahku siste.

Vuostáiváldinbearráigeahčču

Gielda registrere ja juohká ohcamušaid dađistaga go dat bohtet. Ohcan dárkkistuvvo álkidit vai oaidnit leat go buot dárbbašlaš dokumeanttat ja mildosat mielde. Váilevaš ohcamušaid oktavuođas sáddejuvvo vástádusreive ovddasvástideaddji ohccái mas kopiija sáddejuvvo doaibmabidjoeaiggádii.

Meannudeamit

Go ohcan lea gárvvis, de álggahuvvo ieš ohcanmeannudeapmi.

1. Gielda dárkkista ovddasvástideaddji ohcci ja eará ovddasvástideaddji fitnodagaid ohcamušaid mat gullet ovddasvástádussii ja bearráigehččui.
2. Árvvoštallá doaibmabiju estehtalaš hábmema lága ja gieldda estehtalaš njuolggadusaid ektui.
3. Ohcan sáddejuvvo guoskevaš fágaeiseválddiide ja eará gielddalaš instánssaide (jos ohcci ieš ii leat dan ovdal dahkan), ja mii árvvoštallat sisdoalu cealkámušaid ja ruovttoluottadieđuid vuođul, oktan mieđáhusain, ávžžuhusain, eavttuin jna.
4. Dispensašuvdnaohcamat, eará eiseválddiid cealkámušat, ja maiddái ránnjáprotestat ja ohcci mearkkašumit daidda gieđahallojuvvojit ja váldojuvvojit vuhtii mearrádusa oktavuođas.

Gieđahallanáigi

Eanas ohcamušaide lea meannudanáigi 12 vahku. Dát guoská rámmaohcamušaide, ovtta-dási-ohcamušaide, rievdadusohcamušaide ja dispensašuvdnaohcamušaide.

Muhtun ohcamat meannuduvvojit 3 vahku áššemeannudemiin, dát guoská ovtta-dási-ohcamiidda mat leat plánaid ja lága mielde, ja maidda eai leat boahtán vuosttaldeamit.

Álggahanohcamis, gaskaboddasaččat geavahanlobis ja gárvvisin čađahuvvon iskkusis lea 3 vahku meannudanáigi.

Mearrádusaid váiddaáššemeannudeamis lea 8 vahku meannudanáigi.

Mávssut

Don galggat máksit jus don háliidat ahte mii meannudat du huksenohcama. Divvaga huksenohcamiid meannudeami ovddas meroštallojuvvo doaibmabiju šlája ja sturrodaga mielde. Don mávssát maiddái hilgunmávssu, mii lea áššemeannudanmáksu beroškeahttá das oaččut go lobi vai it. Lea maid lassemáksu sierralohpeohcamiid meannudeapmái ja váilevaš ohcamušaid meannudeapmái.

Dálá mávssuid iešguđet doaimmaide gávnnat gieldda gebyrregulativ:s.