Gárven

Gárvenduođaštus gáibádus

Buot doaibmabijut maidda gáibiduvvo ohcan, galget loahpahuvvot gárvenduođaštusain. Gárvenduođaštusa dahje gaskaboddasaš geavahanlobi ohcan ferte sáddejuvvot ja dohkkehuvvot ovdal go sáhttá váldit atnui doaibmabiju.

• Ii galgga addit gárvenduođaštusa doaibmabijuide mat leat ohccojuvvon ovdal ođđajagimánu 1. b. 1998. Dát čuovvu plána- ja huksenlága § 21-10 viđát lađđasis.
• Dakkár doaibmabijuid várás, maidda huksenlohpi lea addojuvvon, mat leat sáddejuvvon gildii áigodagas ođđajagimánu 1. b. 1998 rájes gitta geassemánu 30. b. 2010 rádjai, ja gaskaboddasaš geavahanlohpi lea addojuvvon, galgá gielda addit gárvenduođaštusa go:
  • a) ii leat šat duođalaš dilli maŋŋel gaskaboddosaš doaibmalobi, ja fitnodagat main lea ovddasvástádus guoskevaš fágasuorggis árvvoštallet ja dieđihit ahte loahppa dilit leat čađahuvvon doaibmalobi vuođul, dahje
  • b) go gaskaboddosaš doaibmalohpi lea addojuvvon, de ii dárbbaš doaibmalohpeohcamiid šat meannudit, nu guhká go doaibmalohpi ain lea fámus, ja doaibmalobi eaiggát dahje son geas doaibmalohpi lea, duođašta ahte bargu lea dahkkojuvvon doaibmalobi vuođul.

• Doppe gos ohcet gárvenduođaštusa bustáva b mielde, mearrida gielda ahte lea go báhcán dakkár bargu ahte mearrádusa sáhttá geavahit.

Goas ii dárbbaš gárvenduođaštusa

• Ođđa eananopmodaga ásaheapmi ja rievdadeapmi
• Gaskaboddosaš visttit, ráhkadusat dahje rusttegat mat eai galgga geavahuvvot bistevaččat
• Doppe gos lea addojuvvon lohpi galba- ja reklábmainstallašuvnnaide dihto áigái
• Doaibmabijut maidda ii dárbbaš ohcat lobi

Doaibmabijut mat eai gáibit ohcama

Doaibmabijut maidda ii dárbbaš ohcat lobi galget dieđihuvvot gildii go doaibmabijut lea čađahuvvon. Muitte bidjat mihttoláva ja kártta mii čájeha gos doaibma lea.

Meld fra at bygget er ferdig External link, opens in new window.

Gaskaboddosaš doaibmalohpi

Gaskaboddosaš doaibmalohpi addá vuoigatvuođa geavahit vistti, vaikko buot eavttut addojuvvon lobiin eai leat devdojuvvon. Ovdamearkan dása sáhttá leat go eaiggát ieš galgá gárvet kealláris dahje loktalanjas, dahje go olgoguovlluid ráhkadeapmi ferte vuordit giđđii, dahje go lea addojuvvon rápmaduođaštus ráidoviesuid huksemii ja go ovttadagat gárvánit dađistaga.

Jus ohcá gaskaboddasaš doaibmalobi, de galgá ohcci identifiseret báhcán barggu, duođaštit ahte huksehus lea dohkálaš sihkarvuođadásis ja bidjat áigemeari barggu gárvvisteapmái. Go visot barggut leat dahkkon, de galgá ohcat gárvenduođaštusa.

Skjema for å søke om midlertidig brukstillatelse  External link, opens in new window.

Gárvenduođaštus

Ovddasvástideaddji ohcci galgá ohcat gárvenduođaštusa dahje gaskaboddasaš geavahanlobi. Dain áššiin main ii leat ovddasvástideaddji ohcci, de lea doaibmabidjooamasteaddji gii galgá sáddet ohcama.

Skjema for å søke ferdigattest External link, opens in new window.

Mávssut

Meannudan- ja áššegieđahallandivat gokčojuvvo huksenášši meannudan- ja áššegieđahallandivvagiin.

Jus gárvenduođaštus ii leat boahtán ovdal gaskaboddosaš mearriduvvon áigemeari, dahje jus ii leat makkárge geavahanlohpi, de galgá máksit divvaga, gč. § 12 nuppi lađđasa. Hadderegulatiiva 8.6 maŋimus teakstaoassi.

Gustojeaddji divvagiid gávnnat gieldda divvageregisttaris.