Errenlobi ohcan

Ođđa errema dahje dálá errema viiddideami/rievdadeami oktavuođas gáibiduvvo ohcan. Errensadji lea dán oktavuođas čanastat gaskal priváhta opmodaga/geainnu ja almmolaš geainnu.

Bagadallan mo ohcat errema.

Ovtta dahje eanet erremiid

Juohke opmodagas galgá vuolggasajis leat errenluodda almmolaš geainnus mas lea dušše okta vuolgin- ja máhccansadji. Erenoamáš oktavuođain sáhttá addit lobi eanet go ovtta errema, jus leat erenoamáš ákkat dasa. 

Hábmen

Geaidnoerremis fertejit leat vuđolaš eavttut nu go friddjaoaidnin, stuorámus govdodat, loktanangráda ja jorggihangráda iežas eatnamis.
Eanet dieđuid gávnnat go geahčat gieldda geaidnonorpma.

Gieldda geaidnu
Deanu gielda, huksen- ja rusttetossodaga bokte meannuda ohcama beassat erret gieldda geainnuin.

Jus erren lea regulerejuvvon muddenplánas, ovdamearkka dihte erren galbbaiguin, lea lohpi addojuvvon, ja don it dárbbaš ohcat nu guhká go it rievdat saji mearkkašahtti láhkái (+/- 2m), muhto jus áiggut rievdadit muddejuvvon errenbáikki (+/- 2m) de ferte ohcat ja sáddet ohcamuša Deanu gildii / huksenášši bokte.

Riikka- ja fylkkageainnut
Stáhta geaidnodoaimmahat meannuda erremiid sierralohpeohcamiid riikkageainnuin. Romssa ja Finnmárkku fylkkagielda meannuda ohcama beassat erret fylkkageainnuin. 

Ohcamuš

Vi anbefaler at du søker om ny eller endret via Statens Vegvesens digitale søknadsløsning. External link, opens in new window.

Ohcamušas don válljet makkár opmodaga birra lea sáhka, ja kárttas don merket makkár geainnus don ozat errema. Čoavddus viežžá automáhtalaččat relevánta dieđuid, nu go geaidnostáhtusa ja plánastáhtusa guoskevaš čujuhusa guovllus, ja fuolaha ahte ohcan automáhtalaččat sáddejuvvo rivttes eiseváldái. 

Ohcama árvvoštallan

Errenohcan árvvoštallojuvvo johtolatsihkkarvuođa ja geainnu funkšuvnna vuođul (man várás dat galgá geavahuvvot). Regulerejuvvon guovlluin meannuduvvojit errenohcamušat uhcit mearkkašahttin muddenplánain, dahje sierralohpeohcamin plána- ja huksenlága mielde. Plána- ja huksenláhka. Regulerekeahtes guovlluin meannuduvvojit vuolginohcamušat geaidnolága 40 § mielde.

Mearrádus áššis boahtá du digitála poastakássii. Jus leat várren vuoigatvuođa digitála gulahallamii almmolaš surggiin, de oaččut mearrádusa poastta bokte.