Ođđa geaidnonamma

Ođđa huksenguovlluin dárbbašuvvojit ođđa namat geainnuide, báikkiide ja almmolaš ásahusaide. Báikkálaš historjásearvvit, searvvit ja earát geain lea gullevašvuohta báikái, leat dehálaš veahkit go gielda galgá gávdnat buriid namaid.

Gielda viežžá geaidnonamaid evttohusaid, ja maiddái huksejeaddji ja eanaeaiggát gos ođđa huksenguovlu ásahuvvo. Geaidnonamaid mearridettiin, gos dállodoaluid namat leat mielde, lea eanaeaiggát gulaskuddanbealli. Nammaevttohusa, mii lea boahtán, árvvoštallo gustojeaddji njuolggadusaid mielde. 

Gielda ráhkada evttohusa, mii sáddejuvvo gulaskuddamii seamma gulaskuddanbeliide go ovdalis, ja sádde dasto loahpalaš evttohusa nammamearrádussii politihkalaš meannudeapmái.