Juolludeapmi

Gielda lea almmolaš čujuhuseiseváldi. Gielda juohká dahje rievdada almmolaš čujuhusaid. Dát dahkko matrikkellága § 21 ja matrikkelláhkaásahusa §§ 50-54 vuođul. Jus lea sáhka ođđa geainnu birra, dahje dálá geainnu birra mii galgá oažžut ođđa nama, de ferte álggos geidnui addojuvvot ođđa namma. Gielda mearrida nama báikenammalága mielde.

Go čujuhus lea dohkkehuvvon gielddas, namma dasto registrerejuvvo nationála opmodatregistarii (matrikkelii). Álbmotregisttar ođasmahttojuvvo automáhtalaččat ođđa čujuhusain. Almmolaš ásahusat, báŋkkut, dáhkádusfitnodagat, elfápmofitnodagat jna. atnet čujuhusaid mat leat álbmotregistaris.

Buot barttain galgá leat sierra čujuhus. Váldde oktavuođa gildii jus barttas váilu čujuhus. 

Go geaidnu lea ožžon nama, de álgá ieš čujuhusbargu. Čujuhusbarggu prinsihpat leat oanehaččat ná:

• Čujuhusbargu álgá dalle go huksenáššis lea mearrádus.
• Buot dohkkehuvvon ássanovttadagain gos lea sierra uksa galgá leat sierra čujuhus.
• Uvssas galgá leat čujuhus dasa gokko lea dohkkehuvvon luoddaearru.
• Viessonummirat galget juhkkojuvvot cehkiid mielde. Jus bustávva geavahuvvo, de dat juhkkojuvvo alfabehtalaččat..
• Párahislogut geavahuvvojit olgeš bealde ja bárralogut gurut bealde.