Čujuheami njuolggadusat

Geaidnonamaid meroštallan čuovvu vuolábeale prinsihpaid:

1. Namma galgá heivet oktiiheivehuvvon čujuhusvuogádahkii.
2. Namma berre vuođđuduvvat báikkálaš nammaárbevieruide
3. Namma ferte heivet báikái
4. Namma galgá leat máŋggabealálaš
5. Namma ii galgga leahkit loavkašuhttin dahje komihkalaš
6. Namma galgá leat álki čállit ja dadjat
7. Berre garvit geavaheames ealli olbmuid namaid čujuhusnamain. Jápman olbmuid dahje fantasiijaolbmuid namaid berre dušše geavahit go dasa leat erenoamáš ákkat..
8. Čállinvuohki galgá váldit vuhtii báikkálaš suopmana ja muđui čuovvut virggálaš čállinvuogi norpmaid..

Árbevieru prinsihppa, namalassii joatkit báikkálaš namaid, lea erenoamáš nanus. Dasa lassin leat eará njuolggadusat, ovdamearkka dihte ahte galgá fuolahit ahte namma ii seaguhuvvo oktii juo gávdnojuvvon namain. Dás geahččat maiddái mo ránnjágielddat geavahit namaid. Báikenamat ja geaidnonamat leat dehálaš gáldut báikkálaš historjái dahje dieđut báikki luondduriggodagaid birra. Báikenamat leat maiddái stuorra báikkálaš beroštumi čuozáhahkan.