Veahkkeneavvut

Oanehisáiggi dárbu

Jus dus lea oanehisáiggi doabmavádjitvuohta ja dárbbašat veahkkeneavvuid, de sáhtát min luhtte láigohit/luoikkahit daid.

Maid mii fállat?

Mis leat veahkkeneavvut mat sáhttet veahkehit du johtimiin, peršovnnalaš dikšumiin ja hygienai.

Ovdamearkkat veahkkereaidduin leat: rullator, rullastuollu, bargostuollu, riššoreŋku, riššostuollu, hivssetaládas, hivssetstuollu, doarjjastellet ja buohccedivššárveahkki.

Veahkkeneavvut maid eat olggosluoikka leat álkis veahkkeneavvut nugo omd. čárvenbasttat, doarjjageavjjat ja soappit. Daid sáhtát ieš oastit, ovdamearkka dihte dákko velferdsbutikken.no External link.. Muhtun álkis veahkkeneavvuid sáhttá oastit apotehkas.

Oanehisáigge olggosluoikamat eai leat individuálalaččat heivehuvvon, muhto galgá gokčat dábálaš dárbbuid.

Oanehisáigge olggosluoikamiin lea váldonjuolggadus ahte luoikanáigodat ii galgga leat guhkit go golbma mánu.

Guhkesáigásaš dárbu

Jus dus lea guhkilmas ja mearkkašahtti doaibmavádjitvuohta, de sáhtát oažžut veahkkeneavvuid NAV veahkkeneavvoguovddážis Leavnnjas. Deanu gieldda veahkkeapparáhta koordináhtor oaivada ja veahkeha dárbbu mielde.

Veahkkeneavvu sáhttá leat veahkkin geahpidit geavatlaš váttisvuođaid jus dus lea doaibmavádjitvuohta.

Geat sáhttet oažžut veahkkeneavvuid?

Veahkkeneavvu galgá leat dárbbašlaš ja ulbmillaš vai don sáhtát dan oažžut: 

• čoavdit geavatlaš čuolmmaid árgabeaivvis
• hálddašit beaivválaš doaimmaid mánáidgárddis, vuođđoskuvllas, joatkkaskuvllas ja fidnooahpus
• oažžut barggu dahje bissut barggus, dahje čađahit oahpu dahje bargohárjehusa
• sáhttá fuolahuvvot ruovttus

Muhtumiidda sáhttá dikšu, hárjehallan dahje ođđa teknihkaid oahpahallat leat doarvái, ja dávjá árvvoštallo dat ovdal go veahkkereaiddut geavahuvvojit. Váldde oktavuođa ja mii árvvoštallat makkár doaibmabijut leat áigeguovdilat dutnje.

Makkár veahkkeneavvut gávdnojit?

Leat máŋga veahkkeneavvut gávdnomis. NAV:s leat máŋga neahttasiiddu main leat dieđut: 

Hjelpemiddeldatabasen.no External link, opens in new window. – informašuvnna ja teknihkalaš veahkkeneavvuid logahallan

Kunnskapsbanken.net External link, opens in new window. – diehtu veahkkeneavvuin, heivehemiin ja dulkomiin

Appbiblioteket.no External link, opens in new window. – fálahit olbmuide geain leat doaibmavádjitvuođat smartáteknologiija geavaheami  

Dikšunveahkkeneavvut

Dikšundoarjagat leat medisiinnalaš, teknihkalaš veahkkeneavvut mat geavahuvvojit go dikšu olggobealde buohcceviesu. Ovdamearkkat dakkár reaidduin leat: oksygenaapparáhta, vuoigŋanapparáhta, inhalašuvdnaapparáhta, biebmanpumpa, infušuvdnapumpa, C-PAP jna

NAV veahkkeneavvoguovddáš ii atte veahkkeneavvuid, dan bargá baicca Guvllolaš veahkkeneavvoguovddáš Girkonjárgga buohcceviesus. Dikšunveahkkeneavvut leat oassin spesialistadearvvašvuođabálvalusas. 

Man olu dat máksá?

Earret moadde spiehkastaga, de lea nuvttá loanahit veahkkeneavvuid NAV veahkkeneavvuid guovddážis.

Veahkkeneavvuid olggosluoikan ja daid máhcaheapmi

Mii ávžžuhit buohkaid geain lea vejolašvuohta, viežžat ja buktit álkis ja geahppa veahkkeneavvuid ieža.

Veahkkeneavvuid olggosluoikan ja máhcaheapmi

Ieš viežžat 
Go veahkkeneavvu boahtá gieldda veahkkeneavvohálddahussii, de sáhtát ieš viežžat dan Deanu fuollaguovddážis.

Veahkkeneavvuid teknihkkáriid fievrrideapmi ja installeren

Jus it sáhte ieš viežžat veahkkeneavvu, dahje veahkkeneavvu dárbbaša čohkkejuvvot, de veahkketeknihkar buktá ja čohkke dan du lusa. Duinna dahkkojuvvo šiehtadus sáddenáiggi birra.

Veahkkeneavvuid máhcaheapmi

Go it šat dárbbaš veahkkeneavvu, de dan ferte máhcahit. 

Máhcahit ieš

Sáhtát ieš doalvut ruovttoluotta veahkkeneavvuid gieldda veahkkeneavvohálddašeapmái. Veahkkeneavvvuid galgá máhcahit deike: Deanu fuollaguovddáš, Helsestien 35. Váldde oktavuođa ovddalgihtii vai beasat áiggi várret.

Dállohoaiddár viežá

Jus veahkkeneavvu lea váttis sirdit, jus dat ferte demonterejuvvot dahje jus lea váttis ieš fievrridit dan eará sivaid geažil, de veahkkeneavvohálddahus oktiiheivehallá viežžama du ovddas. Riŋge veahkkeneavvohálddahussii vai ožžot dieđu jus lea viežžama dárbu. 

Dikšunveahkkeneavvut

Dikšunveahkkeneavvu galgá dolvojuvvot ruovttoluotta Deanu ruovttubuohccedikšu, helsestien 35, go dat ii leat šat geavahusas. Gielddas ii leat ovddasvástádus dán ovddas.  

Loga eanet dikšunveahkkeneavvuin External link, opens in new window.

Sihkkarvuođaalárpmat
Go it šat dárbbaš sihkarvuođaalármma, de ferte dan máhcahit. Loga eanet dákko sihkkarvuođaalárpmat

Dieđit ruovttodikšui ahte háliidat heaittihit abonnemeantta.

Mii ávžžuhit sin geain lea vejolašvuohta dan dahkat, ieža máhcahit sihkarvuođaalárpma.

Muitte buktit mielde sihke sihkkarvuođaalárpma ja alárbmačiŋaid. Jáddat sihkkarvuođalárpma vai dat ii geavat batteriija ja váldde olggos báhttera buollindieđiheaddjis.​