Sihkarvuođaalárbma

Maid mii fállat?

Sihkarvuođaalárbma lea digitála alárbma mii ii leat gitta telefovnnas. Sihkarvuođaalárbma juhkkojuvvo geavaheddjiide geat dárbbašit veahki heahtedilis, ja eai sáhte eará láhkai oažžut veahki. Sihkarvuođaalárbma sáhttá čadnojuvvot oapmahaččaide, ruovttubálvalusaide, vejolaš dieđihanlistui mas leat máŋga vuostáiváldi jus vuosttaš ii vástit. Ovdamearkka dihte oapmahaččat geat leat nr. 1, ja dasto ruovttubálvalusa telefovdnabálvalus.
Jus sihkarvuođaalárbma galgá geavahuvvot eará ulbmiliidda go heahtečovdosii, de dat ferte mearriduvvot áššis áššái

Sihkkarvuođabálvalus siskkilda:

•  Čohkken ja laktin
•  Čoavddabovssa bidjan
•  Alárpma bálvalus, bajásdoallan ja teknihkalaš dárkkisteapmi
•  Oahpahus mo geavahit sihkkarvuođalárpma
  Eavttut/árvvoštallanmearkkat

Guvlodat

Alárbma doaibmá dušše ruovttus ja dálu lahka.

Geat sáhttet fálaldaga oažžut?

Mii geahččat earet eará:

• Eaktun lea ahte máhtát geavahit alarmma
• lea hedjonan doaibmanákca mas lea várra ahte gahččá, dat galgá čilgejuvvot dárkilit
• leat lossa dávddat main sáhttá čuožžilit dárbu fáhkka dikšui
• it sáhte geavahit dábálaš telefovnna
• leat teknihkalaš rusttegat (omd. seaŋga, juvlastuollu) mii heaitá doaibmamis, ja mii sáhttá dagahit ahte dárbbaša veahki olggobealde dábálaš telefovnna
• sihkkarvuođaalárbma ii addo " ovdagihtii várrugasvuođa " prinsihpa mielde, dahje sihkkarvuođa siva dihte.

Vurdojuvvo ahte don

• guottát alárpma birra jándora
  
• heahtedilis riŋget 116 117 
• geavahat alárpma fáhkka dikšun- ja fuolahusdilis
  
• gieđahalat alárpma dohkálaččat
  
• luoikkat gildii čoavdaga vurkema várás čoavddabovssas

Mii dáhpáhuvvá viidásit?

Mii sáddet dutnje čálalaš vástádusa. Jus dutnje mieđihuvvo sihkarvuođaalárbma, de boahtá veahkkeávnnasteknihkar ja bidjá alárpma du lusa. 

Váidda

Jus it leat duhtavaš mearrádusain, de sáhtát váidit dan gildii mii lea dahkan mearrádusa, golmma vahku sisa dan rájes go vuostáiválddát mearrádusa. Čilge mii du mielas lea boastut ja manne du mielas mearrádus berre rievdaduvvot. Sáhtát váldit oktavuođa gielddain jus dárbbašat oaivadeami. Jus gielda doalaha mearrádusas, de ášši sáddejuvvo viidásabbot Romssa ja Finnmárkku stáhtahálddahussii, mii mearrida galgá go váidda dohkkehuvvot.