Ruovttubuohccedikšu

Maid mii fállat?

Ruovttubuohccedikšun addá veahki ja rávvagiid go dasa lea dárbu, dutnje gii orut ruovttus ja leat áibbas sorjavaš veahki dáfus čuovvovaš surggiin: 

• čuovvoleapmi ja bearráigeahčču
• veahkkin váldit dálkasiid
• hávvedikšu
• čájánasváldin, iskkadeapmi ja injekšuvnnat
• oahpaheapmi ja rávven
• fuolaheapmi eallima loahpas

Geat sáhttet fálaldaga oažžut?

Dus ferte leat dárbu veahkkái buozalmasvuođa dahje hedjonan doaibmanávccaid geažil. Don fertet leat sorjavaš dearvvašvuođabálvalusas vai sáhtát fuolahit iežat vuođđodárbbuid.
Ruovttubuohccedikšun sáhttá leat buorre veahkki jus dus leat váttisvuođat oažžut divššu iežat doaktáris, nu ahte beasat fas eallit nu mo don háliidat ja leat oadjebas dan dilis mas don leat.

Man olu dat máksá?

Ruovttubuohccedikšu lea nuvttá.

Váidda

Jus it leat duhtavaš mearrádusain, de sáhtát váidit dan gildii mii lea dahkan mearrádusa, golmma vahku sisa dan rájes go vuostáiválddát mearrádusa. Čilge mii du mielas lea boastut ja manne du mielas mearrádus berre rievdaduvvot. Sáhtát váldit oktavuođa gielddain jus dárbbašat bagadallama. Jus gielda doalaha mearrádusas, de ášši sáddejuvvo viidáseappot Romssa ja Finnmárkku stáhtahálddašeaddjái, mii mearrida galgá go váidda dohkkehuvvot.