Geavatlaš veahkki

Persovnnalaš veahkki

​Maid oaččut?

• Lihkkan ja nohkkan veahkki
• Veahkki doallat iežat buhtisin
  
• Veahkki hivssetmátkkiide ja inkonteandaneavvuid geavaheapmái
• Veahkki čuovvoleamis/áigevárremii doaktára lusa, bátnedoaktárii, juolgedikšui ee.
• Unnimusmeari borademiid heiveheapmi.

Gii sáhttá oažžut fálaldaga?

Don gii dárbbašat erenoamáš veahki ruovttus ja doarjaga áimmahuššat iežat ja beaivválaš doaimmaid.

Ollu go máksá?

Bálvalus lea nuvttá.

Dán láhkai sáhtát ohcat

Ohcanskovi gávnnat siiddu vuolágeahčen

Váidda

Jus leat duhtameahttun mearrádusain, de sáhtát váidit dan gildii mii lea dahkan mearrádusa, golmma vahku sisa dan rájes go vuostáiválddát mearrádusa. Čilge mii du mielas lea boastut ja manne du mielas mearrádus berre rievdaduvvot. Jus dárbbašat bagadallama sáhtát váldit oktavuođa gielddain. Jus gielda doalaha mearrádusa, de ášši sáddejuvvo viidásabbot Romssa ja Finnmárkku Stáhtahálddašeaddjái, mii mearrida galgá go váidda dohkkehuvvot.

Ruovttuveahkki

Maid don oaččut?

Dárbbašlaš buhtisvuohta

• Álkes lanjaid čorgema mat leat anus beaivválaččat; gavjasihkkun, láhttebassan ja basadanlanja čorgen, láhtteránuid savdnjin ja noavkun.
• Veahkki bassat lihtiid lihttebassanmašiinnas. 
• Veahkehit bassaladdat biktasiid ja gávnniid mašiinnas, ja veahkehit biktasiid heŋget ja váldit daid vulos.
  
• Veahkki gávdnemolsumii 
• Veahkki doaibmabijuide 

Bálvalusa ulbmil

Ruovttubálvalus lea fálaldat olbmuide geat dárbbašit veahki ja geavatlaš veahki árgabeaivvis vai sáhttet orrut ruovttus. 

Gii sáhttá oažžut ruovttuveahkki

Olbmot geain lea erenoamáš veahkkedárbu buozalmasvuođa, doaibmavádjitvuođa, agi dahje eará sivaid geažil. Fálaldat árvvoštallojuvvo jus olbmos lea váilevaš iežas fuolaheapmi, ovdamearkka dihte:

• Váttisvuođat čađahit beaivválaš buhtisvuođabargguid ruovttus.
• Váttisvuođat hálddašit biepmu/biebmoháhkama dahje boradeamis.

Maid sáhtát don vuordit mis

• Bálvalus galgá ovddidit geavaheaddjioassálastima ja das galgá leat eastadeaddji perspektiiva ovttaskas olbmo ektui. 
• Veahkki addo šihttojuvvon áigái, ja jus rievdadusat šaddet, de dieđihuvvo ovtta beaivvi ovdal.
• Mii doahttalit jávohisvuođageaskku ja don deaivvat min gudnejahttimiin.
• Mii áddit bálvalusaid du individuála dárbbuid mielde. Bálvalusaid dárbu árvvoštallojuvvo dađistaga ovttas duinna, vejolaččat áittardeddjiin ja/dahje oapmahaččain.

Maid mii vuordit dus

• Don čađahat ieš daid bargguid maid sáhtát gieđahallat. 
• Don leat ruovttus go ruovttubálvalus fállojuvvo. Jus it sáhte boahtit šihttojuvvon áigái, de fertet unnimusat dieđihit beaivvi ovdal ovdal dii. 15:00.
• Don attát geavahussii dárbbašlaš biergasiid dego bassalanmašiinna, noavkki, bassanávdnasiid, bassangievnni mas lea moppa ja mikrofiberlivskku. 
• Deanu gieldda bargit čuvvot bálvalusdoaimmainis Bargobiraslága mearrádusaid. Dan oktavuođas bivdit mii ahte viessu gos borgguhuvvo ferte biggohuvvot bures olggos ovdal go bargoveahka boahtá, ja ahte viesus ii borgguhuvvo go ruovttubálvalus bargá. Dasa lassin galget elektrihkalaš installašuvnnat, johtasat ja mašiinnat leat ortnegis. Veahkki ii galgga dárbbašmeahttumit gillát riskka go manná orrunsadjái, omd. beanaveaddimat
  

Bálvalusfálaldat

Bálvalus galgá buhttet dan ahte olmmoš ii sáhte fuolahit iežas beaivválaš doaimmaid ruovttudoaimmaid hámis.

Ná don ozat

Ohcanskovi gávnnat siiddu vuolágeahčen

Váidda

Jus it leat duhtavaš mearrádusain, de sáhtát váidit dan gildii mii lea dahkan mearrádusa, golmma vahku sisa dan rájes go vuostáiváldet mearrádusa. Čilge mii du mielas lea boastut ja manne du mielas mearrádus berre rievdaduvvot. Sáhtát váldit oktavuođa gielddain jus dárbbašat oaivadeami. Jus gielda doalaha mearrádusas, de ášši sáddejuvvo viidásabbot Romssa ja Finnmárkku stáhtahálddašeaddjái, mii mearrida galgá go váidda dohkkehuvvot.

Oahpahus ruovttus

Oahppu ruovttus lea dat mii dahká ahte olmmoš šaddá iešbirgejeaddjin buoremus láhkai ja nagoda organiseret iežas árgabeaivvi geavatlaččat, hálddašit persovnnalaš buhtisvuođa, gárvodit, dikšut viesu ja boradeami. Bálvalus gohčoduvvo dávjá beaivválaš eallima hárjehallan ja dat galgá movttiidahttit olbmo fuolahit alddis

Maid mii fállat?

Bálvalus galgá movttiidahttit, neavvut ja veahkehit ohcci:

• áimmahuššat iežas buhtisvuođa
• bisuhit jándorritmma
• biebmodoallu ja boradeapmi
• biebmo- ja biktasiid oastin
• buhtisin doallat ruovttu
• oassálastit doaimmain dahje barggus
• sosiála dilálašvuođat
• láhttenmuddejeaddji doaibmabijut

Geat sáhttet fálaldaga oažžut?

Don geas lea erenoamáš dárbu geavatlaš dahje persovnnalaš veahkkái ja doarjagii áimmahuššat iežat ja dábálaš beaivválaš doaimmaid. Dus lea vejolašvuohta ieš nagodit dahkamušaid dahje osiid dahkamušain lagamus boahtteáiggis.

Ná don ozat

Ohcanskovi gávnnat vuollelis

Váidda

Jus it leat duhtavaš mearrádusain, de sáhtát váidit dan gildii mii lea dahkan mearrádusa, golmma vahku sisa dan rájes go vuostáiváldet mearrádusa. Čilge mii du mielas lea boastut ja manne du mielas mearrádus berre rievdaduvvot. Sáhtát váldit oktavuođa gielddain jus dárbbašat oaivadeami. Jus gielda doalaha mearrádusas, de ášši sáddejuvvo viidásabbot Romssa ja Finnmárkku stáhtahálddahussii, mii mearrida galgá go váidda dohkkehuvvot.