Doarjjaolmmoš

Doarjjaolmmoš lea fálaldat veahkehit oassálastit doaimmaide olggobealde ruovttu nu ahte ovttaskas olbmui šaddá jierpmálaš astoáigi, mas lea vejolašvuohta hálddašit iešguđetlágan eallindilálašvuođaid, ja vejolaččat váikkuhit dasa ahte šaddá eanet iešheanalašvuohta ja ahte sosiála fierpmádat viiddu. Doarjjaolmmoš galgá addit persovnnalaš veahki ja bálvalusas galgá vuhttot geavaheaddji váikkuheapmi ja geavaheaddji stivren. Bálvalus galgá addot oktagaslaččat.

Doarjjaolmmoš lea vuosttažettiin olmmoš geas ii leat fágagelbbolašvuohta, muhto gii lea jávohisvuođageatnegasvuođa vuollásaš. 

- Galledeamit geavaheaddji ruovttus. 

- Čuovvut geavaheaddji doaimmain nugo kino- ja valáštallandáhpáhusain, dahje eará doaimmain.

Bálvalusa ulbmil

Ulbmil lea ovddidit dearvvašvuođa, eastadit buozalmasvuođa, vahágiid dahje roasmmohuvvama vai olmmoš sáhttá ássat nu guhká go vejolaš ruovttus.

Gii sáhttá oažžut doarjjaolbmo

Olbmot geain lea doaibmavádjitvuohta dahje sosiála váttisvuođa geažil dárbbašit veahki oassálastit doaimmaide olggobealde ruovttu.

Bálvalusa haddi

Bálvulus lea nuvttá.