Deanu doavtterguovddáš

Fástadoavttir

Deanu gielddas leat ollu pasieanttat ja danne áigot vuoruhit pasieanttaid geain lea fástadoavttir Deanus. 

Dus lea vuoigatvuohta fástadoaktárii. Fástadoavttir galgá leat olámuttus dutnje ja vuoruhit du ovddabeallái pasieanttaid geat eai leat doaktára listtus. Don ieš válljet makkár doaktára háliidat fástadoavttirlistui, muhto doaktáris galgá leat guoros sadji. Don sáhtát válljet doaktára eará gielddas go dan gos orut. Jus háliidat geavahit doaktára gii ii leat čadnon fástaortnega vuollái, de ferte máksit stuorit iežasmávssu go finat doaktára luhtte.

Lonuhit fástadoaktára ja olámuttus fástadoaktáriid logahallan. External link.

Jus dus leat mánát vuollel 16 jagi, de don válljet fásta doaktára mánnái. It dárbbat válljet seamma fástadoaktára mánnái maid alccet fástadoavttirin.

Geas lea vuoigatvuohta oažžut fástadoaktára?

• Buohkain geain leat álbmotregister čujuhus Norggas
  
• Asylaohccit geain lea D-nummir
  
• NATO bargit geain leat D-nummirat ja sin bearašlahtut

Don fertet orrut Norggas.

Rádjabargit EU:s/EØS-riikkain External link.

Jus don leat rádjabargi gii barggat Norggas muhto orut nuppi EU-/Eeg-riikkas, de dus lea vuoigatvuohta dearvvašvuođabálvalusaide - maiddái plánejuvvon dikšumii - sihke dan riikkas gos barggat ja orrunriikkas. 

Doavttervákta

Doavttervákta lea Deanu doavtterguovddážis, Maskevarreveien 1. 

Doavttervákta 116117 

lea oktasaš telefonnummir buot doavttervávttaidde buohcceviesuin miehtá riikka. Du laktojuvvot doavttervávttaide gii lea lagamus dutnje gos don riŋget. Dán nummara sáhtát riŋget nuvttá.

Go geavahat doavttervávtta veahki de galggat máksit sierra divada.

Eanaš báikkiin riikkas vurdojuvvo ahte don riŋget doavtterváktaguovddážii ja doppe árvvoštallo du dilli ovdal go don vuolggát doavttervávtta lusa. Dávjá lea doarvái go oažžu buriid ráđiid telefovnnas.

Jus don leat ožžon áiggi doavttervávtta lusa ja gárttat vuordit de lea danne go eará dárbbašit veahki johtilabbot. Vai mii sáhttit veahkehit du buoremus lági mielde, de dárbbašat mii du heaggadieđuid, čujuhusa, manne don válddát oktavuođa, manne don leat váldán oktavuođa, makkár dávddat dus leat juo ovddežis ja makkár dálkasiid don geavahat..

Ovdamearkkat diliin goas sáhttá leat vuogas váldit oktavuođa doavttervávttain:

Alla feber - erenoamážit mánáin
Veaháš lossat vuoigŋat
Hohpolaš dávda dahje duođalaš hedjoneapmi

Šliedda ja buohcci mánná dahje rávisolmmoš

Duođalaš psyhkalaš buozalmasvuohta
Eahpiduvvo áhpehisvuođa váttosvuođat
Čuohpadeamit mat dárbbašuvvojit gorrojuvvot
Eahpiduvvo ahte lea doddjon

Heahteveahkketelefovdna: 113

Goas galggat riŋget 113?
Jus lihkohisvuođat ja duođalaš dáhpáhusat dáhpáhuvvet, main dárbbašat fáhkka dearvvasvuođabálvalusaid, galggat riŋget 113. Jus dus leat dát dávdamearkkat, de galggat álot váldit oktavuođa heahteveahkkerávahagiin 113:

• Ođđa ástandávda amadajus dahje gieđas 
• Ođđa giellamoivi, ii gávnna sániid dahje eahpečielga hállan
• Fáhkkatlaš ja čilgekeahtes livzzesteapme
• Jámálgan dahje váilevaš áddejupmi
• Raddebákčasat guhkit go 5 minuhta
• Váibmodálkasiid geavaheapmi nitroglyserin addá unnit ávkki go dábálaš
• Vuordemeahttun unohasvuohta rattis, fuones dilli ja rapmaduhttin.

Go dárbbašat doavtterveahki: Geasa galggat riŋget?

Iežat fástadoaktárii rahpanáigge, tel. 455 17 700. Fástadoavttir lea du váldooktavuohta dearvvašvuođabálvalusas. Jus lea vejolaš, de galggat álot riŋget fástadoaktárii álggos.
Doavttervákta 116 117 go fástadoavttir ii leat olámuttos ja veahki ii sáhte vuordit.

113 go lea akuhttadilli ja go lea sáhka heakkas.

Fástadoavttir sáhttá maid jođánit veahkehit. Fástadoavttir árvvoštallá man hohppui dat lea, ja sáhttá dábálaččat addit dutnje áiggi seamma beaivvi jus eará sajis ii leat hoahppu. Don galggat álot váldit oktavuođa fástadoaktáriin go áiggut almmuhit buozanvuođa, ođadit reseaptta, bistevaš ja oahpes váivviid oktavuođas.

Maid sáhttá doavttervákta dahkat? Go riŋget 116 117, de lea dus oktavuohta doavtterváktaguovddážiin dan guovllus gos orut. Doavttervákta galgá fállat veahki dasa mii ii sáhte vuordit go du fástadoavttirkontuvra lea gitta. Doavttervákta galgá maid veahkehit du go it leat iežat fástadoavttir luhtte, ovdamearkka dihte go leat mátkkis dahje luomus. Jus don jáhkát ahte lea heahti ja ahte lea heaggavárra, de riŋge 113.

Váidinvejolašvuohta

Jus oaivvildat ahte it oaččo dárbbašlaš veahki dahje leat duhtameahttun bálvalusain, de sáhtát sáddet váidaga gildii dahje njuolga bálvalusfállái. Čilge mii du mielas lea boastut ja makkár rievdadusaid don háliidat.  

Don sáhtát maid váidit iežat fylkka stáhtahálddašeaddjái jus bálvalus ii leat doaimmahuvvon albma láhkai, jus leat ožžon váilevaš dahje boasttu dieđuid dahje jus jávohisvuođageatnegasvuohta lea rihkkojuvvon.

Don sáhtát maid váldit oktavuođa Pasient- og brukerombudet i Finnmark External link. go dárbbašat veahki ja oaivadeami.