11.01.2024 - DEANU ČÁHCEGOLGAMIID STÁHTUS

Dát lea dáhpáhuvvan:

Juovlamánu 20. b. rájes otná rádjái lea gielda meannudan oktiibuot 7 čáhcelihkuhisvuođa, 6 dain čatnasit Lišmmajávrri čáhcerusttegii. Vuolimusas 3 lea leamaš hirbmat stuora luoitin ja dat lea dagahan stuora hástalusaid máŋgga servodataktevrii. Go hástalusat fuomášuvvojedje juovllaid maŋŋá, de ledje 4 seammá áiggi golgamat. Dát njeallje golgama dahke ahte golaheimmet njeallje gearddi eanet čázi, ja mis ledje hástalusat deavdit juhkančáhcebasseaŋgga Deanušalddis. Lávvordaga ođđajagimánu 6. b. lea fas botkejuvvon okta min váldobohcciin, ja dat dagahii ahte čáhci boatkanii fáhkkestaga stuora osiin Deanušalddis. Dát lea dán rádjái stuorimus dáhpáhus.  

Lišmmajávrri čázádatráhkadus fuolaha guovllu Horpmás gitta Máskejohguolbanii Deanujoga oarjjabealde, Deanujoga nuorttabealde fuolahuvvo Buolbmágis, Nuorta Sieiddás ja Vuolit Luovttejogas. Mii lea sivvan dasa ii leat áibbas čielggas, muhto jáhkkimis lea oktavuohta rusttega ahkái, variašuvnnaide ja dálkkádahkii dan áigodagas. Boarráseamos osiin rusttegiin ii leat redundánsa jus buođu kapasiteahtta lea badjel, danne sáhttet eaŋkalgolgamat dagahit eanet dáhpáhusaid oktanaga. 

Ovdal ođđajagi lei gaskamearálaš temperatuvra vuollin ja temperatuvra molsašuvai ollu, dasa lassin lei unnán muohta ovdal ođđajagi. Dat dagaha ahte ii šatta nu ollu muohta mii fas dagaha ahte čáhcebohccit sáhttet galbmot. Erenoamážit boarrásepmosat leat hearkkit dasa ja dat sáhttá leat vuolggaheaddji sivvan. 

Njeallje golgama leat gaskaboddosaččat divvojuvvon dahje bissehuvvon, okta golgan Deanušalddis lea oidnon geavahanvákšumis, muhto ii leat lokaliserejuvvon. 1 golgan Juovlavuonas lea muhtun áigái bissehuvvon, vuorddedettiin viidáset barggu. Buot vuhtton golgamat leat boarráseamos osiin čáhcebohcciin.

Maid mii dahkat:

Dál lea čihččet golgan ihtán, mii dál lea divoduvvome. Dan lassin dahkkojuvvojit dát:

• Gielda goziha dili ja čuovvu dárkilit rusttega rievdadusaid. 
• Mii plánet ja čađahit oastimiid bissovaš buoridemiide.
• Bargit ovttas ealáhusain barget divvumiiguin ja ohcet ain golgamiid mat eai leat vel gávdnon.
• Bisuha buoremus lági mielde buollin- ja gádjun gearggusvuođa dilálašvuođaid mielde. 
• Gáržžidit vahágiid kriittalaš doaimmain ja ealáhusaktevrrain. 
• Mis lea oktilis gulahallan rašes ealáhusaiguin ja almmolaš ásahusaiguin.
• Giddemiid, rahpamiid, vuoššandieđiheami dahje ođđa dáhpáhusaid oktavuođas dieđihuvvo ássiide SMS bokte nu jođánit go vejolaš. 
• Maŋemus diehtu du SMS:ii gusto dassážii go ođđa diehtu boahtá 

Mii galgá dáhpáhuvvat:

Gielda háliida olahit dábálaš dili jođáneamos lági mielde. Dat ii sáhte čilgejuvvot eret, ja lea jáhkehahtti ahte sáhttet šaddat eanet golgamat. 

Buot priváhta olbmot berrejit doalahit iežaset gearggusvuođa nu ahte sis lea čáhci unnimusat 24 diimmu. Doaimmahagain ja ealáhusain berrejit dárbbu mielde leat sierra gearggusvuođaplánat mo meannudit go čáhci nohká. 

Oppalaččat ávžžuhuvvo ahte ássit čuvvot Servodatsihkarvuođa ja gearggusvuođa direktoráhta (SGD) rávvagiid ruovtturáhkadeami birra. 

https://www.sikkerhverdag.no/din-beredskap/hendelser-og-kriser/beredskap-i-hjemmet/ External link.