Čáhci

Gielda doaimmaha čázi gieldda čáhcebohcciid bokte daidda ásodagaide ja rusttegiidda mat dasa gullet. Vejolaš gáibádusaid dákkár čatnašupmái mearrida dábálaččat muddenplána dahje go ohcá huksenlobi. Guovlluin gos ii leat gielddalaš čáhcelágideapmi, ferte ásahit sierra ortnega čáhcelágideapmái. Gielda ii sáhte addit huksenlobi jus ii leat dohkálaš čáhci- ja duolvačáhcečoavddus.

Gielda galgá dieđihit geavaheddjiide plánejuvvon doaibmabotkemiin ja dilálašvuođainmat váikkuhit juhkančáhcekvalitehtii, ovdamearkka dihte go čáhcebohcci galgá buhtistit. Go lea vátnivuohta čázis, de sáhttá gielda gáržžidit čázi geavaheami. Jus lea heahtedilli mii dahká ahte ferte spiehkastit kvalitehtagáibádusain, de dieđihat dili birra ja man guhká gaskaboddasaš čáhceboahtu bistá. Jus oaivvildat ahte gielda ii atte čázi juhkančáhceregulerema gáibádusaid mielde, de sáhtát váidalit golaheaddjioastinlága vuođul.