Deanušalddi skuvla

Skuvla sáhttá fállat:

Oahpahus mearriduvvon plánaid, lágaid ja láhkaásahusaid mielde.
Oahpahus mii vuhtiiváldá oahppi rievtti oažžut heivehuvvon oahpahusa.
Skuvlabottut leat ráfálačča mas leat máŋga ollesolbmo geat vákšot.
Bisovaš bargit geain lea alla fágalaš ja sosiála gelbbolašvuohta.
Buot bargiin lea jávohisvuođageasku hálddašanlága § 13 mielde.
Fiinna báiki ja divoduvvon olgoboras.
Mii bargat dan ovdii, ahte mis lea lagaš ja buorre ovttasbargu váhnemiiguin diehtojuohkima, čoahkkimiid ja ságastallamiid bokte.

Maid sáhtát don vuordit mis?

Skuvla áigu láhčit dili ja bargat dan ovdii ahte lea buorre sosiálalaš biras ja buorre oahppanbiras ohppiide.
Mii bargat dan ovdii ahte buot ohppiin lea buorre fysalaš ja psykososiálalaš biras mii ovddida dearvvašvuođa, loaktima ja oahppama.
Buot bargit skuvllas barget aktiivvalaččat eastadit givssideami.
Buot skuvllain galgá leat sierra doaibmaplána givssideami vuostá. Skuvla galgá fuolahit ahte buot váhnemat dovdet oahpahuslága §9A.
Váhnemiidda láhččojuvvo vejolašvuohta váikkuhit skuvlla ráđđeorganaid bokte nugo SU (Ovttasbargoorgána) ja FAU (Váhnemiid Bargoorganisašuvdna).
Rektor ja buot bargit galget álo čájehit dáidduid ja dáhtu ovdánahttit skuvlla ja ovttaskas oahppi buorrin.
Skuvla dieđiha fuolaheddjiide jus lobihis jávkan fuomášuvvo.
Jus rihkku skuvlla njuolggadusaid, de váldet oktavuođa ruovttuin.

Maid mii vuordit dus gii geavahat?

Dus gii leat oahppi
Don leat aktiivvalaččat mielde iežas oahppamis.
Don leat aktiivvalaččat mielde váikkuheamen buori skuvlabirrasa, čuovvulat sohppojuvvon šiehtadusaid ja muitalat jus lea juoga maid don it ádde dahje lea juoga masa it leat duhtavaš.
Don veahkehat sihke oktagaslaččat ja luohkkáráđiid ja ohppiidráđiid bokte ahte givssideapmi ii galgga dáhpáhuvvat.
Don boađat skuvlii rievttes áigái ja čuovvut gustovaš skuvlordnedallamiid.

Dus gii leat fuolaheaddji

Don čájehat ovddasvástádusa ja aktiivvalaččat lážát mánnái vejolašvuođa vázzit skuvlla.
Don čájehat beroštumi ja leat positiiva skuvlii.
Don leat aktiivvalaš váhnen luohkkábirrasis, luohkkáoktavuohtan jus don válljejuvvo dan - ja FAU:s. Don deaivvat váhnenčoahkkimiin.
Don leat mielde eastadeamen givssideami skuvllas.
Don muitalat maid don/din mánát háliidit ja dárbbašit.
Don čuovvolat sohppojuvvon šiehtadusaid ja muitalat jus leat áššit maid it ádde dahje jus leat duhtameahttun.

Skuvllaid astoáiggeortnet SAO lea rabas dii. 07:30 - 16:00. Skuvlaáiggis lea SAO 8 diimmu, juhkkojuvvon 1. - 4. dássi.

SAO čuovvu skuvlajagi. Ovdal skuvlafriddjabeivviid ja skuvlaluomuid sáddejuvvo sierra dieđihangihpa. Luopmoáiggis fállo čakča-, dálve-, juovl- ja beasseluopmoáigi. SAO lea gitta suoidnemánus. 

SAO galgá áimmahuššat ja dustet mánáid dárbbu fuolahussii, oadjebasvuhtii, loaktimii, gullevašvuhtii ja dohkkeheapmái. SAO:s galgá juohke mánná oidnot ja oažžut doarjaga ovdánahttit empatiija ja čájehit fuola earáide. SAO galgá ovddidit mánáid fysalaš ja psyhkalaš dearvvašvuođa ja váikkuhit dasa ahte sii vásihit ilu ja ahte sii hálddašit. SAO:s galget mánát ovdánahttit iežaset sosiála gelbbolašvuođa ja viiddidit sosiála fierpmádaga sihke iešdáhtolaš ja organiserejuvvon doaimmaid bokte. Mánáidgárdi galgá láhčit dili stoahkamii, oahppamii ja fuolaheapmái, ja leat dakkár báiki gos buot mánát sáhttet ovddidit positiivvalaš áddejumi.

https://www.udir.no/utdanningslopet/sfo/rammeplan/ External link. 

Skuvlaruvtto