Vi har fått nytt nettsted

Vi har flyttet våre nettsider til ny leverandør som skal gjøre det enklere å publisere nyheter og artikler. I en overgangsperiode kan det være noen mangler på sidene. Vi tar gjerne imot ris og ros om hva du syns om de nye sidene. Bruk funksjonen Fant du det du var på jakt etter? for å gi oss tilbakemelding.

Read more about Vi har fått nytt nettsted
Skip to content

Searvva SAMINOR 3 Dearvvašvuođaiskkadeapmái Deanu gielddas!

Blodprøvedeltaker

Leat go gaskal 40 ja 79 jagi ja ásat Deanu gielddas? De lea dus vejolašvuohta oažžut nuvttá dearvvašvuođaiskkadeami ja seammás leat mielde dehálaš dutkamis mii boahtá ássiide buorrin.

Jon Erland Balto

-Mun áiggun ieš searvat iskkadeapmai, ja mun ávžžuhan buohkaid dahkat dan seamma. Nu ahte ies beasat diehtit eambbo iežat dearvvašvuođa birra ja mii oažžut dieđuid álbmoga dearvvašvuođa birra, dadjá sátnejođiheaddji Jon Erland Balto.

Movt čađahuvvo iskkadeapmi?

  • Deavdde jearahallanskovvi digitálalaččat dahje báberhámis.
  • Fina fysalaš iskkadeamis: boađe min dutkanstašuvdnii oažžut dearvvašvuođaiskkadeami
  • Mihtideamit iskkadeamis: allodaga ja deattu, ja birramihtu seakkáža ja alimiid bokte, váimmu ritmma (EKG), varradeattu ja váimmu ravkasa (pulsa) go leat muosis, giehtačárvema
  • Muhtin oasseváldiin mihtidit geahppáid kapasitehta (spirometriija), ja jearrat atnit aktivitehtamihtu ovtta vahku
  • Iskosat: mii váldit varraiskosiid ja jearrat oasseváldiin attáše go gožžaiskosa ja vuoktaiskosa

Maid oaččut diehtit iežat birra

Maŋŋel iskkademiid oaččut bohtosa dihto mihtidemiin ja analysain. Oaččut earret eará diehtit iežat allodaga, deattu, rumašmássaindeavssa (BMI), alimiid ja seakkáža mihtuid, varradeattu, váimmu ravkasa (pulsa) go leat muosis, varraproseantta ja guhkesáiggi varrasohkkara meriid. Jus muhtin dáin mihtidemiin čájeha dárbbu medisiinnalaš dikšui, de ávžžuhuvvot mannat doaktára lusa.

Du oassálastin lea stuora ávkin!

Go searvvat, de leat mávssolaš veahkkin dearvvašvuođadutkamii. Iskkadeami bohtosat sáhttet atnot vuođđun buoridit dearvvašvuođabálvalusaid ja buoridit álbmoga oppalaš dearvvašvuođa.

Dat leat deaŧalaš dieđut suohkaniidda, gielddaide, fylkkagielddaide, dearvvašvuođaeiseválddiide ja Sámediggái.

Juohke oasseváldi lea lihka dehálaš, leaččat dál sápmelaš, kvena, dáčča, nuorra dahje boaris, dearvvaš dahje buohcci. Dađi eambbosat leat mielde, dađi buoret ja ollislaš šaddá SAMINOR.

Vuoitte el-sihkkela

Buohkat geat leat servet sáhttet vuoitit el-sihkkela, hárjehallandiimmuid ja eambbo. SAMINOR almmuha go lea vuorbádan vuoittuid ja váldá oktavuođa vuitiiguin. Du persovnnalaš dieđut lea suodjaluvvon ja vuorbádeapmi ii čadnojuvvo vástádusaide dahje iskkademiide.

Báikkalaš LHL searvi Deanus ja Unjárggas maiddái gesset ovtta báikkalaš vuoitii gii vuoitá skeaŋkka mas lea árvu 500 ruvnno.

Praktihkalaš dieđut

  • Goas: geassemánu 6. beaivvi – 26. beaivái
  • Gos: Seida skuvllas
  • Rahpanáiggit:
  • Vuossárggas bearjadahkii dii. 09.00-16.30
  • Maŋŋebárggaid ja duorastagaid gitta 18.00 rádjái
  • Lávvardaga geassemánu 14.b., dii. 10.00-14.00
Plakat Saminor Tana samisk