Mánáidsuodjalanbálvalus ohccá galledanruovttuid/astoáigeoktavuođaid

Unjárgga ja Deanu mánáidsuodjalanbálvalus ohccá bearrašiid, ja dorvvolaš rávisolbmuid geat sáhttet veahkehit mánáid, nuoraid ja váhnemiid rašes dilus. Galledanruoktu dahje astoáigeoktavuohta de fertet dus/dis gávdnot nákca, kapasitehta, ja miella veahkehit mánáid geat dárbbašit dan. 

Mii lea galledanruoktu? 

Galledanruoktu lea bearaš dahje rávisolbmot geat mánáidsuodjalangohččuma mielde váldet vuostá mánáid ja nuoraid vahkkoloahpaid ja vejolaččat luomuid áigge. Doaimma ulbmilat sáhttet lotnašuvvat bearrašis bearrašii, muhto eanaš áigge galgá mánná oažžut positiiva vásáhusaid árgabeaivvis. Dat addá maid vejolašvuođa váhnemiidda vuoiŋŋastit vai sii fas nagodit fuolahit máná dan láhkai go dat dárbbaša. Eaktun vai sáhttá šaddat galledanruoktun lea ahte bearrašis lea dássidis eallindilli ja vejolašvuohta čatnat doibmii guhkit áigodahkii (millosepmosit 1 jahkái).  

Mii lea astoáigeoktavuohta? 

Muhtumin dárbbašit mánát ja nuorat veahkki sosiála eallimii ja miela miel astoáigái. Astoáigeoktavuohta veahkeha mánáid/nuoraid čađahit sosiála ovttastallamiid ja iešguđet astoáigedoaimmaid. Dat sáhttá finadit ruovttuin, leaksoveahkkin, falástallanlágideamit dahje eará sosiála doaimmat. Astoáigeoktavuođa ulbmilin lea veahkehit mánáid/nuoraid oažžut luohtit eanet alccesis, hálddašit eallindiliid ja servvoštalat eará olbmuiguin.  

Das ii gáibit sierra formála oahppu jus áigu šaddat galledanruoktun dahje astoáigeoktavuohtan. Nuorat badjel 16 jagi sáhttá váldit astoáigeoktavuohtan, galledanruovttuin lea gáibádus ahte lea 18 jagi. Das deattuhuvvo eanemusat ahte don olmmožin lea heivvolaš dasa. Vai oažžut dohkkejumi de fertet vuolláičállit jávohisvuođageaskku ja čájehit bolesduođaštusa.  

Jus háliidat diehtit leat go don dahje lehpet go dii heivvolačča galledanruoktun dahje astoáigeoktavuohtan? Váldet oktavuođa minguin, dat ii geatnegahte maide. Oktavuohta: Jannice Utsi Onseng, tel. 40 44 06 15 dahje Liss Mikalsen, tel. 40 44 06 14 Unjárgga ja Deanu mánáidsuodjalanbálvalusas.  

Čujuheaddji divvagat galledanruovttuide, juohke mánnái juohke jándorii golggotmánu  2022 rájes: 

Sierra divvagat astoáigeoktavuođaide. Bargoálgin oktavuođas sohppojuvvo dat lagaibuidda.