Rabas ruoššaluossaseminára Deanušalddis ođđajagimánu 17.b. 2023
Ruoššaluossabivdin plánen ja guorahallan oktavuođas lágida Birasdirektoráhta ovttasbargguin Deanu gielddain, Deanu nationála luossaguovddážiin ja Deanu guollehálddašemiin (TF) rabas čoahkkima ja seminára Birasviesus ođđajagimánu 17.b. 2023 dii. 10:00-15:00. Báikkálaččat ja eisseválddit suoma bealde bovdejuvvojit maid. Dulkojuvvo sámegiela ja suomagielas.
Deanučázádat mas lea nu stuorra atlántalaš luossa buvttadanpotensiála ja dan sturrodat ja čáhcejohtu dagaha hástalusaid ruoššaluosaid dárkkisteapmis ja eret bivdimis. . Luossabivdu bissehuvvui jagiin 2021 ja 2022 dan sivas go leat nu unnán luosat maid sáhtii bivdit. Dál leat fuones prognosat atlántalaš luosaid johkii goargŋumis jahkái 2023.
Maŋimuš leaskalohkojagiid de lea ruoššaluosaid goargŋun Detnui lassánan. Norggas ja Suomas leat ieš guđet oainnut mo ruoššaluosaid galgá gieđahallat. Deanu-soahpamušas (dat oktasaš bilaterála luossabivdosoahpamuš Deanučázádagas) celkojuvvo ahte galget biddjot dárbbašlaš doaimmat mii galgá suodjalit guollenáliid amas šlájaid vuostá. Jagis 2022 oaččui Deanu čázádaga guollebivdohálddašeapmi (TF) juolludemiid vai sáhtašii čađahit ovtta pilohtaprošeavtta Sieiddásullo bokte, áiddo vuolá bealde Deanušaldi. Goargŋu guolit jođihuvvojedje jođihanáiddiid bokte mat ledje ráhkaduvvon plastihkas muhtun ráigge guvlui ja dárkkistuvvojedje/rehkenastojuvvo video vehkiin.
Plánaid vuolul mat čuvvot nationála strategiijaid de lea jurdda ahte galget bivdojuvvot eanemus lági mielde ruoššaluosat Deanus 2023:s. Prošeakta álgobarggus čuožžilit dievva gažaldagat maid ferte guorahallat. Dasa gusket maid atlántalaš goargŋu ja merrii manni luosat mo dat mannet jođihan/caggan áiddiid meattá.