Nuorta-Finnmárkku diehtoguovddáš (ØFK)

Gielddat Mátta-Várjjat, Deatnu ja Čáhcesuolu ja maiddái Romssa ja Finnmárku fylkagielda leat álggahan ovttasbarggu ovddidit ja jođihit Nuorta-Finnmárkku diehtoguovddáža (ØFK). ØFK Galgá leat mohtor, soabadeaddjin ja deaivvadansadjin olbmuide ja fitnodagaide guovllus geat háliidit lasihit iežaset kompetánssa. Diehtoguovddáš galgá leat láidesteaddjin ja duokŋat dan ráiggi mii lea fálaldaga ja jearaldaga gaskka mii guoská bargo- ja ealáhusa kompetánsii gávdnan dihtii kompetansadárbbuid, mobiliseret báikkálaš/ regionála bargoeallima, rekrutteret ohppiid ja leat mielde lágideamen njuovžilis oahppobálgáid mat vuođđuduvvojit báikkálaš dárbbuid mielde. ØFK galgá leat láidesteaddjin vai geassá kompetánssa regiovdnii ja laktit kompetánssa ja ovdáneami oktii, dan láhkai ahte das lea servodat ovddidan rolla min regiovnnas.

ØFK áigu fokuseret “bálvalit” buot gielddaid Nuorta-Finnmárkkus ja aktiivvalaččat bargat vai oahppofálaldagat leat olámuttus buohkaide regiovnna gielddain.

ØFK lea ovttasbargoprošeakta gaskkal golbma dásseárvosaš gieldda, mas lea Romssa ja Finnmárkku fylkagielda ovttasbargoguoibmin. ØFK leat golbma dásseárvosaš báikádaga; Deatnu, Girkonjárga ja Čáhcesuolu, ja diehtoguovddáža boahttevaš organiseren galgá dan speadjalastit. ØFK vuolggasadjin leat fálaldagat mat juo leat gávdnomis regiovnnas ja bargat dan ovdii vai galget gávdnot báikkálaš oahppofálaldagat buot oahppobáikkiin.

Prošeakta lea dál politihkalaččat mearriduvvon buot gielddain, nu maiddái fylkadikkis, ja dál bargojuvvo vai fitne organisašuvnna johtui.