Language Language Language Visning: A A A A A
toppbilde

Boahkuheami Stáhtus Deanu gielddas vahkku 15

Dán rádjai leat 734 olbmo geat leat ožžon vuosttaš oasi boahkus.

Gielda lea geargan gal eanaš áššiid boahkuheamis geat ásset buohcciviesus ja olbmot geat leat badjel 75 jagi ja boarrásat. Eai leat nu galle dien joavkkus geaid eat leat juksan ságaide. Jus don gulat dán jovkui dahje dus leat oapmahaččat geat leat badjel 74 jagi geat eai leat boahkuhuvvon, váldde fal áinnas oktavuođa. 

Vahkku 15 álggahat mii joavkkuin 4, sii geat leat gaskkal 65 ja 74 jagi nu maiddái olbmot geain leat dávddat/dilit main lea stuorra riska oažžut duođalaš dávdadili. Dávddaid logahallan maidda dát guoská gávdno liŋkkas gos lae vuoruhuvvonráidu. Mii leat ožžon listta fástadoaktáriin makkár olbmot galget vuoruhuvvot. Eanaš buohccit maid doaktárat leat vuoruhan leat ožžon boahkuheami dán vahkus, muhto leat ain muhtumat geaidda eat leat vel ožžon oktavuođa. Jus don oaivvildat ahte don gulat dan jovkui ja mii eat leat duinna váldán oktavuođa, sáhtát don váldit oktavuođa.

Vahkku 16:s leat mis boahkut 100 olbmui ja vahkku 17:s oažžut mii 70 boahkkoeari. Mii gohččut dađi mielde olbmuid boahkuheapmi go diehtit galle boahkku mii oažžut.   

Boahkuheamivuoruhanráidu

Gieldá lea váldán atnui elektrovnnalaš vuogádaga boahkuheamis. Buohkat geat háliidit boahkuhuvvot sáhttet iežaset dieđihit dákko:   DIEĐIHEAPMI BOAHKUHANRÁIDUI

Jus dus leat váttisvuođat registreremiin sáhtát bivdit muhtuma veahkkin alccesat neahttaregistreremii. Don sáhtát maid bivdit veahki registreremii boahkuheamibargái Lillian, tel. 45517704. Buohkat geat registrerejit boahkuhanráidui ožžot dieđu SMS bokte gos fállojuvvo boahkuheami áigemearri go mii joavdat guoskevaš jovkui.  Juohke joavkkus fállojuvvo vuosttamužžan boarrásamosiidda.