Language Language Language Visning: A A A A A
toppbilde

Dilli 14.vahkus ja 15. ja 16. vahkkuin.

Boahkuhandilli Deanu gielddas ja dieđut bisánansaji birra boahkuheamis

Mariann lea fas álgán iežas dábálaš bargui Eaktodáhttoguovddáža beaivválaš jođiheaddjin ja Lillian joatká boahkuhanbargguin. Mariann ovttastahttá ain eaktodáhtolaš vehkiid boahkuheamis.

Lea rahpasan bisánansadji Čuoiganbáhčinstašuvnna lahkosis. Mii bivdit Olbmuid geat bohtet boahkuheapmái vuoruhit geavaheamis dán bisánansaji vai garvá johtolaga Máŋggageavahushálla luhtte gos skuvlamánát nai beaivet geavahit olgoareálaid.

620 ássi leat ožžon 1. boahkuid.  Dát lea sullii 26 % sis geat ožžot boahkuhanfálaldaga (ássit badjel 18 jagi) álgovuorus. Gielda lea geargan boahkuheame buhcciidruovttu ássiid ja ássiid badjel 85 jagi. 95% ahkejoavkkus 75-84 jahkái leat ožžon 1. dosa. 

15. ja 16. Vahkus boahkuhuvvo ahkejoavku 65-74 jahkái ja seammás ássit gaskal 18 ja 64 jagi geain leat dávddat/dilli mas lea alla riska duođalaš čuozahusaide. Don sáhtát lohkat eambbo dan birra makkár dávddat gullet dán jovkui dás: Vuoruhanvuorru boahkuide 

Gielda lea geavahišgoahtán elektrovnnalaš vuogádaga boahkuheapmái. Buohkat geat háliidit boahkuid galget iežaset registreret dás: DIEĐIHEAPMI BOAHKUHANVURRUI

Leatgo dus hástalusat registreremiin, de sáhttá muhtun eará, omd. bearašlahttu dahje ránná, maiddái veahkehit du registreremiin neahttasiiddus. Don sáhtát maiddái riŋget vai oaččut veahki registreremii boahkuhanmielbargis Lillian, tlf. 455 177 04 disdagaid dii 9-12. Buohkat geat registrerejit iežaset boahkuhanvurrui, ožžot SMS mas fállojuvvo ordnejuvvot diibmu sidjiide boahkuheapmái.

Dál leat veaháš eanet boahkut, muhto ain váldá áiggi ovdal go buohkat geat leat registreren iežaset boahkuhanvurrui ožžot boahkuhanfálaldaga. 15.vahkus leat mis sullii 110 Pfizer boahkut ja 16. vahkus sullii 100 Pfizer boahkut. Daningo váruhuvvet duođalaš liigeváikkuhusat, de gaskaboddosaččat leat buot boahkuheamit AstraZeneca boahkuin gaskaboddosaččat bissehuvvon.