Language Language Language Visning: A A A A A
toppbilde

Evttohusat areálageavaheapmái Deanodat-Gohppi guovllus

Gaskavahko njukčamánu 1. beaivve lágidii Gohpi gilisearvi, Deanodaga gilisearvi ja Deanu gielda čoahkkima ođđa areálageavaheami birra Deanodat-Ráttovuona guovllus. Dát čoahkkin lea oassin Deanu gieldda gielddaoasseplána areálaoasi reviderenbarggus. 

Gohpi ja Čuollovuona gilisearvvis lei bargočoahkkin guovvamánu 26. Beaivve ja čoahkkima boađus ovdanbuktui čoahkkimis njukčamánu 1. Beaivve 2017. Gilisearvi lea buktán čuovvovaš cealkámuša:

  • Berre ásahuvvot bartaguovlu “Børresenopmodaga”(Doaresnjárgga) máttabeallái.
  • Otná viesut berrejit bissut viessun ja daid ii galgga sáhttit vuovdit astoáiggeviessun ja berre leat ássangeatnegasvuohta viesuin.
  • Berret oažžut vejolašvuođa juohkit areálaid viessosajiide priváhta opmodagain.
  • Berrejit ásahuvvot biilabisánansajit Gáicabáktemohkkái Čuollovuonbađas ja várddosbáikkiin fylkkageainnu 98 guoras maid turisttat geavahit otne.
  • Berre merket iešguđetge bálgáid vuolggasajiid.
  • Berrejit ásahuvvot saniteararusttegat/ hivssegat dien guvlui, erenomážit Čuollovuonbahtii.
  • Čievravieččahat Ávskáris berre bisuhuvvot resursan báikki olbmuide.
  • Eai berre láhčit dili anadroma guollešlájaid biebmanrusttegiidda vutnii.
  • Friddja gáddelinjá
  • Suodjalit luossabivdosajiid mearas
  • Gohpi hápmana ovdánahttinbarggu olis berrejit várrejuvvot guovllut gos sáhttá vurkkodit ealli guliid.
  • Luovttat  «Rullesteinsfjæra» ferte suodjaluvvon friddjaguovlun, ja doppe ii galgga leat lohpi viežžat geđggiid.
  • Eai galgga ásahuvvot rabas skohtermađit lagašbáikkiide.