Language Language Language Visning: A A A A A
toppbilde

Evttohusat ođđa areálageavahussii Sirpmá guovllus

Maŋŋebárgga skábmamánu 29. beaivvi lágidii Sirpmá gilisearvi ja Deanu gielda čoahkkima gos ságastallui ođđa areálageavahusa birra Sirpmá guovllus. Dát čoahkkin lei oassin gielddaplána areálaoasi ođasmahttinbarggus. Bohte evttohusat sihke ássan- ja astoáiggeviessoguovlluide, ođđagilvinguovlluide, bisánanareálaide, dehálaš olgonastin- ja eanadoalloguovlluide, ja maiddái huksemiidda lahka čázádagaid ja čáhcegálduid. 

Obbalaččat

  • Sirpmás eai hálit ahte galgá huksejuvvot buriid eandoalloguovlluide lahka Deanučázádaga. 
  • Sihkkarastit guovllu birra Sollien čáhcerusttega, namalassii ahte ii geavahuvvvo gieddegilvva lahka juhkančáhceádjaga. 

Viessoguovllut:

  •  Luohkká ja Suveguolbba.

Astoáiggeviessoguovllut

  • Suveguolbba, Luohkká ja spábbačiekčanšilju buohta Sirpmás. Roavvegieddi.
  • Ii berre addit lobi čuoldit priváhta-/fefo eatnamiid
  • Eanemusat 300 kvadráhtamehtera juohke astoáiggeviesu nammii (dása gullá biilabisánansadji, olgovisti, veránda jna.)
  • Givlon ja gilvihahtti eatnamiid berre várret eanadollui

Olgonastinulbmilat

Dehálaš olgonastinguovlu lea gilibálggis, mii manná biilabisánansajis badjin gilis Márššačohkkii, Suttesádjatjávrriid ja Beajalgŋájávri bokte.Guovlu viiddiduvvo otná čuoiganláhttoguovllus. Gilisearvvis lea barta Suttesádjatjávregáttis. Skohtermáđii rasttilda čuoiganláhtu. Lea váttisvuohtan ahte oassi čuoiganláhtu geavahuvvo skohtermáđin. Lea addon ođđagilvinlohpi rastá bálgá/čuoiganláhtu mii manná gilivistti bartii Suttesádjatjávrriin. Dát lea dehálaš vuolggasadjin jekkiide, jávrriide ja muđuid veajuiduhttimii, mii leamaš anus máŋggaid čuđiid jagiid. 

Okta olmmoš hálida hukset goađi Miennajávrriide.