Plána galgá láhčit dili ođđa šalddi huksemii Juovlajoga rastá, mii boahtá otná šalddi sadjái. Plánaráddjen boahtá ovdan kárttas. 

Prošeavtta ulbmil lea ráhkadit šaldi mas oadjebasat beassá fg 890:i ja man lea álki rasttildit. 

Muddenplánabarggu olis galgá čađahuvvot čuozahusguorahallan (ČG) sihkkarastit ahte luondduhivvodagat váldojit vuhtii. Plánaprográmma mii lea vuođđun bargui, lea biddjon almmolaš geahčadeapámi áigodahkii 15.02.2016 - 30.03.2016.

Cealkámušat

Stáhta geaidnodoaimmahat bivdá oainnuid, cealkámušaid dahje eará áigeguovdilis dieđuid ovdal njukčamánu 30. beaivve 2016. Sádde cealkámuša čálalaččat čujuhussii: 

Oktavuohta

Jus leat gažaldagat, de sáhtát váldit oktavuođa Bjarne Mjeldein, tlf. 416 42 293 ja/dahje e-posta čujuhus: bjarne.mjelde@vegvesen.no.

Rabas čoahkkin

Gulaskuddama olis dollo rabas čoahkkin Ildtoppenis Juovlavuonas gaskavahko njukčamánu 9. b. tii. 1700-1900. Čoahkkin almmuhuvvo maŋŋelaš.